I NI VE EM??

ziaktu - T-a renthlei kha (sanglura renthlei)

Nupui/pasal pawmlai nei i ni a. Social media i hman thiam loh vang emaw, chhan dang vang emawin bialnu/bialpa i nei ru a. Sim i duha, mahse, i lo luh thukpui viau tawh si a.

Vawitam tak țhen i tuma, mualpho hlauin i ți ru em em a; mahse, i kal thui tawh em avangin harsa i ti em em lawi si. Nikhat thil thuah ințhen țha i tihna chuan a nawr tluk tluk che a, reilo te a msg i hmuh loh ringawt pawhin i ngai leh em em bawk si. Amah chu ngaiah i nei tawha.

Khawhar hnemah tiin fiamthuin bul i țana, i duhna nasa tak vang chuan, khawhar hnemah i tih chu i khua tihartu a lo ni ta si a.

Țhen i duha, i tumna chu lunglennain a phehsak leh che a.

Mualpho i hlauh avangin a duh loh zawng taka țawng i hlaua, nui hmelpu chungin thinlung natna i veia. Chhung lamah chuan i rum vawng vawng ti raw?

I inten ru a, inthiam chawp rilru chungin, thup nei siin țhenrual i kawma. Țhiante titi chuan a tihlim zo ve lo che a, i thinlung hmun dang daiha a awm vangin.

A țhat lohzia i hria, i nâ a, țah pawh i țap ngei ang. Tum chikima sim i tum pawhin chhuanlam ho te te vangin i puitlin thei si lo a!

Ih maw, i awm dan, i rilru puthmang kha Pathianin a duh lo. Sim nânna chhuanlam țha ber chu, 'PATHIAN DUHZAWNG A NI LO' chu chu a ni tawp mai a ni, a aia simna chhan tur țha chhuanlam ka hriatpui lo che.

Khawvelah hian cheng hlen tur kan nih loh avangin Pathian duhzawnga nun hi kan tih theih tawk a ni.

I bialnu/bialpa i tawn fona hmun/group chu hlatsan la, Pathian rinchhanin thlah tawp rawh, Ani'n a pui ang che.

Tuiah i hlimthla i châmtir reng thei lo a,
Suangtuahnaah i duhthusam i puitlintir thei hek lo.

I kawppui nen in inzawmnaah chuan nghet la, rinawm rawh.

Hringnun hi i hmang nawn tawh dawn si lo a...

THU BELH = I IN CHHIRNA TUR LEH I IN TENNA TUR KHAWP A SUAL NI A I HRIAT CHU A TIR ATANG IN TILO MAI RAWH.