POPE FRANCIS-AN “HREMHMUN A AWMLO” A TI MAW BIBLE ATANGIN KA CHHANG NGHAL E

Italy rama Liberal chanchinbu lian tak “La Repubblica” chanchinbu Founder Eungenio Scalfari chuan, Pope Francis interview a neih tumin “Hremhmun a awm lo (there is no hell)” a ti niin a ziak a, he thu hi khawvel ah a darh chak hle. Scalfari chuan Pope nen an inkawmna niawm tak, “It is an honor to be called a Revolution” tiin, La Repubblica-ah a ziak a ni.

“Misualte thlarau chu an thih hnu lawkah a awm tawh lova.Chatuana hrem ngai an awm lo a ni” tiin.

Hetiang thuziak a lo chhuah ve leh Vatican City lam chuan chhanna leh sawifiahna tichhuak nghalin, Scalfari hian Pope hi interview a neih pui hran lo tih sawiin, Scalfari hian kum 2013 ah pawh Pope Francis thusawi zik tluaklo vin a tichhuak tawh tih an puang. Catholic News Agency chuan, Scalfari thuziak (article) chu “thuziak rinawmlo” (not a faithful transcript) a tihsak a ni.

BIBLE ATANGA KA CHHANNA

Khawvela kristian hotu luberin hremhmun a awm lo tia khawvel hma a achhuah ta mai hi keini ringtu leh Bible ringtu tan chuan arilru nat thlakin athinur thlak hle mai,Rawngbawltu dangte inlo ngawi thei anih pawhin kei chu min ti ngawi thei tlat lo mai,mite anga thu thiam tak ni lo mah ila,Bible atangin hremhmun meidil a awm ngei zia ka rawn chhang nghal ang e.

HREMHMUN MEIDIL A AWMZIA BIBLE HIAN ASAWI TAM

Kristiante thurin pawimawh tak leh sakhaw dangte pawhin an rin ve chu HREMHMUN chung chang hi a ni,kristiante thurin pawimawh tak anih rualin sawi ahlawh tawh lo thung a,Pulpitah phei chuan adai tawh emaw tih tur khawpin sawi ahlawh lo leh zual,hremhmun awm tak tak kan ring lo nge ?

thawnthu ang lekah kan ngai tawh zawk,Salvation Army din chhuaktu William blooth an kum za lai liam tawh atang khan kum zabi 20 a thil lo thleng tur asawi zingah hremhnun tello vanram alo thlen tur thu asawi lawk chu athleng dik mek,Kohhran ho zingah pawh hian Pathian thinurna tello ahmangaihna chauh kan in zirtir nasa ta hle,hei hian sual pawm zamna hremhmun hlauh lohna min neih tir mek a,vanram kan sawi uar lutukna lamah pawh hremhmun hlauhawm zia kan hre tawh lo tan niin alang bawk.

Hremhmun chungchang hi kan Bible hian alo sawi hnem khawp mai a,Thuthlunghlui bu ab hian vawi 31 vel sawi ani a,Seol tia sawi ani,Thuthlungtharaah hian vawi 162 vel sawi a ni bawk,Heng zingah hian vawi 70 hi lsua sawi ani nghe nghe a ni.

hremhmun hi kawng hrang hrang sawi a ni bawk a, Kum khaw hremna mat 25:46, Kumkhaw mei Mat 18:8, Chatuan boralna ii thes 1:10,Chatuan meia hremna,Meidil, Tah leh hathialna, Leilawt, khuarkhurum, kumkhaw zahna,Gehena,kum khaw zahna etc tih tea sawi hlawm a ni.Tin Mi hausa leh Lazara chanchin atang pawhin hremhmun chungchang chiang takin kan hmu bawk.

Hremhmun hi meialh anih thute natna hmun anih thu mi hausa pain he mei alh ah hian ka na em em a ni atih thu atang hian natna hmun leh hmun tihbaiawm tak anih thu kan hmu a,Tin tui an chak ngawih ngawih bakah simnain awmzia aneih tawh lohna hmun ani bawk,Hremhmun chung chang hi kristiante zingah ngaihdan ain ang lo hle a,Kohran tam zawk erawh chuan hremhmun hi Pathian ringlo piangthar lo leh misualte kalna tur angin kan ring ber a.

Theologian thenkhat Condition immortality zirtirna pawmtu sevenday leh church of God te chuan mihring kan thih hian taksa thawhlehna ni lo thlen hma chu anla nung rih lova, an thlarau pawh chhuak chuang lovin athi vang vang a Nikinni thawhlehna niah kaihthawhin an awm chauh ang anti,Ringtu an nih chuan chatuan nunna anchang ang a,ringtu anih loh chuan an thlarau pawh thi ve mai turah an ngai.

Hremhmun awm an ring lo a ni ber,Jehova Witnesses te chuan mihring athih hian an thlarau pawh athi nghal mai niin an ngai thung.Universalistte ngaihdan chuan mi zawng zawng vanram kai vek tur angin an ngai a,Pathian hmangaihna hi anasa em em a.chuvangin lsuan hremhmun ata min chhanchhuak vek tawh a mi zawng zawng hi chhandam kan ni vek dawn an ti thung. hremhmun awm an ring lo anih chu,Awle kristiante zingah hremhmun awm ring leh ringlo awm hlawm mah ila,Kan bibleah hian a awm ngei tih hmun tam takah kan hmu a,

Hmasang kohhran pate pawhin inthurual takin Hremhmun awm ngei thu ansawi pawm vek a,Tun hnaia Scientist ropui tak Dr Maurice Rawling a chu lnternal medicine leh Cardiovascular desease a mithiam bik Pathian awm ringlo chu Kum 1977 khan Mithi tho leh an tih ang chi atawng a,chu chuan anun nasa takin athlak phah nghe nghe a,chu mithi tho leh chu amah ngeiin athi ngei tih pawh ahria a,mahse reilo hnuah amit hmuh ngeiin alung arawn phu leh a, arawn dam chhuak leh ta a,athusawi hmasa ber chu HREM HMUN ah ka kal, tiin hlau em em leh khur zawih zawihin hremhmun ka fang ka let leh duh tawh lo arapthlak lutuk lsua atang chauhin apumpelh theih tiin arawn tawng chhuak leh ta ani

Dr Rawling pawhin mak ati hle a,Pathian arin phah ta a ni,Hremhmun hi thawnthu mai ani lova,thilawm tak tak Diabola leh atirhkoh thlarau sual zawng zawng ringlo te thlarau hremna hmun atana buatsaih ani Mat 25 :46.sawi bo va ngaihnep chi a ni lo, Hremhmun tello vanram leh Pathian thik thuchhiatna aia ahmangaihna ringawt kan sawi fo hi Pathian thu dik ziktluak ani thei lovang

Tin hremhmun hi tuna thi tawh piangthar lo leh ringlo ho hremna hmun thlarau mai a an tawrhna hmun a ni a,Nikin ni lsua lokal lehna khawvel tawp hunah thiam loh changin an tho leh ang, Meidilah paih leh ani ang,ringtute erawh ,ringtute erawh chu vanramah thlarauinin an awm thung a,khawvelah rorel tura Lal lsua lokal leh hunah chuan ringtu mi piangthar thi tawhte chu thiamchanga tho lehin Jerusalem tharah chatuanin ropuina a lawmluhin an awm ve thung dawn a ni.

Khawvela kristian hotu luberin hrem hmun a awm lo ti mahse kan Bible dik lo thei lo hian hmun tam takah hremhmun a awm thu asawi nasa e,Pope hi aduh tawkin lo rak vel mai mai rawh se.atan ala pawi hle ang.

                     PIC : POPE FRANSIS