JOINT ACTION COMITTEE ON INNER-LINE FOREST RESERVED DEMAND MIZORAM

(Member 13) Vawiin a MUP Office a meeting an nei zet zawng Minute ziah pawh a harsa țalh țalh kher mai. Kum 60 chuang țhahin kan ram chin anih zia an han sawi tak tak mai zawng;rilru a hahdam sawng sawng mai. Document zawng zawng hi thiam kan chanpui ngei ka beisei a. 20/3/2018 a Mizoram&Assam in Union Home Affairs hnuai a Chief Secretary te inbiakna ah pawh thiam kan chan a, kan ram chin hi chinfel anih ngei ka beisei. We still stand on 1875.

Kan ramri chin hi sawifel theihna hun kan lo nei tawh thin-

1. Mizoram leh India Sawrkar in inremna an ziahfel lai khan, Pu Laldenga khan Inner Line Forest Reserved hi Demand telna kha Sentense khat lek pawh han thailang sela chu, tun kan buaina hi a thlenglo ang.

2. Rambuai avanga Ramri chinfel mai tawh tur, tihfel hman a ni talo kha a pawi a. Khatih laia lo buaipuitu Pu Bawihliana leh a thiante kha an zahawm mang e.

3. 1994  a ramri buaina pawh kha hman țangkai a ni tawklo.

   Tunah kan ramri chinfelna hun țha kan nei leh ta. Hei hi chu i hlah tawhlo hram ang u. Ramri chungchangah hian kan ram hruaitute an huaisenlo hle tih chu tlang hriat a ni tawh a. Amaherawhchu, Mipui inlungrualna chuan a nawr kal ta zawk a ni. Nimin lama Chief minister ho a meeting ah pawh Ramri chungchang sawi tur mi pahnih Pu Hiphei leh Pu C Chawngkunga chu kan Chief Minister hian a thuttir hmak. Mizo mipuiten kan hriat tur chu tuna kan ram inchuh 509 Sqkm hi mizo te ta anih kan hriat a țha. Assam hian hun engemaw chhung (State kan nih hma) zawng khan chhiah(tax) min khawnsak thin a. chu an chhiah khawn chu mizoram ah 70% a chhung thin. Tunah chuan Mizoram Sawrkarin Forest Dept chak leh țha tak a nei tawh a, Mizoram sawrkar hnena hlanchhawn hi a hun tawh takzet.

Tun a, MZP ten ZOFATE CHAWLHBUK sak an tumna phei hi chu,kan ram chhung ngei a ni. Kan sawrkar hian a ram a a pawm avangin Chhiah(Tax) pawh a la a ni. Engvangin nge chhiah a lak ngamna hi a hauh ngamloh le? Mizote hian rambuai kan neilo, Assam hian min hnehchhuh an tum vang a ni zawk. Hawh u, kan sawrkar hi kan nawr kal theih chhung chu, i nawr zel ang u.

       "Ramri chinfel dawn chuan thisen a luan a ngai" an lo ti thin. Hei a luang a ni lawm ni? "Ram ri chingfel tur chuan Central Intervention a ngai" kan ti thin. Hei tunah chuan Central Home Affairs hnuaiah inbiakna kalpui a ni dawn ta. "Ramri chingfel tur chuan Hnam kan inlungrual a ngai" kan ti thin. Tun hun baka zofa chhak, thlang, chhim leh hmar
a awmte kan inlungrual hi ka la hre ngailo. Kan mamawh chu kan sawrkar aiawh a ding turte hian kan ram chin hi diktakin kawk ngam rawh se. Chubak engmah kan mamawh ta lo.

" Mizo kan ni. Kan ram chhan nan chuan mi lu kan khai thin.Kan ram chhungah chuan mupui tih chauhlo chu kan chung a leng an awmlo.Hei hi kan ram a ni, He ramah hian kan pi leh puten sa an lo pelh tawh thin. Kan thih hnuah pawh kan thlahte chhuan zawng zawng thlengin he ramah hian tual an chai ang."

Mizo takin țawng chhuak la,
Mizo takin ke pen la;
Mizo takin thawk chhuak la,
Mizo takin ding chhuak rawh.

 Mizote hian media hi kan hmang thiam tawklo, Media lam kan hmachhawn in Sapțawng hi i hmang tam ve tawh teh ang u. Thiam tak nih a ngailo nia, kan sawi tum hi an hriat theih chuan a tawk viau mai. Hei hi abik takin Hruaitute tan ani.
       
FEAR means:-

Forget Everything And Run(Engkim theihnghilhin tlanchhe rawh)

Fight Enemies And Rise( I hmelma chu hmachhawn la, Ding chhuak rawh)

Aw Zoram, duhthlanna chu i ta a ni e.