Mar 7, 2015 :_Lammual thlang lama sipai-ho bual in vel chu a lun ngang mai a , inthiar duh an tam vanga lun erawh a ni lo. A bul velah thalaiin no an dawm far a,mei an zu tual tual bawk.Thawm bengchheng kara mu bawrh bawrh an awm a, a țhen phei chu an hmel en pawhin Krismas an la hmang tamlo tih a chiang hle.
Tlai lam dar 3 vel a ni a , Lammual-ah mipui an lam mup mup laiin police-in thlang lama sipai hmun vel chu an tlawh kual thut a,in saseng thei lo leh tlanchhiatna chang hre lo ve hrim hrim tih loh chu an darh hak. Sipai bual in vel chu an hawng a, a chhunga lo tawmte chu an rawn chhuak ta phak phak a.
Bual in pakhatah panga paruk te an lo inhnawh a, hmeichhe hlang hlaka lo tawm, lo rui miah miah mai te an ni nawk mai. An zinga hmeichhia, la naupan hmel deuhte chu police pakhat chuan an hming leh kum zat te a han zawt a, kum 13 te, kum 14 te an lo ni a! Police te pawhin mak an ti! Chu chu Mizoramin Chapchar Kut a hman lai kha a ni.
A chhehvel chu zu inna hmunpui a ni ber a, an 'chatthla' phung mai. Hmeichhia pawh an tam. An hmel en-a zu ni lo thil dang rui tih hriat ngawih ngawih pawh an tam. Lammual thlang lam gallery hnung lam chu ruih nei ve lo tanna hrehawm khawp a ni.
Lammual chhim lam hnung lama sipai sikul vel te pawh a 'zalen' ngang mai a, mipa naupang kum 10 chuang awrh turte pawh an rui.
Lammual chhehvela zu inte hi an inthup lem lo a, an duhna takah thuin bar-a in ang maiin ngampa takin an dawm larh larh hlawm. Gallery thlang lam hnung lam, mi pawimawhte țhutna hnuai leh a bul velah pawh tleirawlin a sen chi an in mawlh mawlh fo.
..."Fa tleirawl nei ta ila , ka fate hi Chapchar Kut ah an kal ka phal lo maithei a ni, kut dangah pawh," Police pakhat chuan a ti.
*Note : 2015 kum aiin he thil hi vawiin 2018 Chapchar Kut ah a tam( Zu rui, puipunna a naupangte te zu in) awm e.
Tlai lam dar 3 vel a ni a , Lammual-ah mipui an lam mup mup laiin police-in thlang lama sipai hmun vel chu an tlawh kual thut a,in saseng thei lo leh tlanchhiatna chang hre lo ve hrim hrim tih loh chu an darh hak. Sipai bual in vel chu an hawng a, a chhunga lo tawmte chu an rawn chhuak ta phak phak a.
Bual in pakhatah panga paruk te an lo inhnawh a, hmeichhe hlang hlaka lo tawm, lo rui miah miah mai te an ni nawk mai. An zinga hmeichhia, la naupan hmel deuhte chu police pakhat chuan an hming leh kum zat te a han zawt a, kum 13 te, kum 14 te an lo ni a! Police te pawhin mak an ti! Chu chu Mizoramin Chapchar Kut a hman lai kha a ni.
A chhehvel chu zu inna hmunpui a ni ber a, an 'chatthla' phung mai. Hmeichhia pawh an tam. An hmel en-a zu ni lo thil dang rui tih hriat ngawih ngawih pawh an tam. Lammual thlang lam gallery hnung lam chu ruih nei ve lo tanna hrehawm khawp a ni.
Lammual chhim lam hnung lama sipai sikul vel te pawh a 'zalen' ngang mai a, mipa naupang kum 10 chuang awrh turte pawh an rui.
Lammual chhehvela zu inte hi an inthup lem lo a, an duhna takah thuin bar-a in ang maiin ngampa takin an dawm larh larh hlawm. Gallery thlang lam hnung lam, mi pawimawhte țhutna hnuai leh a bul velah pawh tleirawlin a sen chi an in mawlh mawlh fo.
..."Fa tleirawl nei ta ila , ka fate hi Chapchar Kut ah an kal ka phal lo maithei a ni, kut dangah pawh," Police pakhat chuan a ti.
*Note : 2015 kum aiin he thil hi vawiin 2018 Chapchar Kut ah a tam( Zu rui, puipunna a naupangte te zu in) awm e.
On 09 september 2024, at 03:26, Anonymous commented on 
0 Comments
I ngaihdan han thawh ve teh le!