THE GHOST SOLDIER

(He thil hi ka putea, Indian Army, Assam Regiment, hnen atangin chiang vaklo in titi naah ka hria a, ka beng verh zawng a nih avangin ka theih ang angin ka chhui zui a, enge kan ngaihdan ni hlawm ang le...?)

 Harbhajan Singh hi tlangval tlawmngai thei, discipline tha leh thuawih tak a ni a, Punjab-a Kapurthala Dist. Kuka khuaah an cheng a ni. Kum 1962 a Indo-China War lai khan Dogra Regiment Indian Army ah a tang a, chutah pawh chuan discipline tha ber te zinga mi a ni a, Sikkim-a Nathula Pass ah an post a, mahse vanduaithlak takin an duty a an chhuah naah vur tawlhin a hnawl a, a ruang hi an zawng nasa hle a, ni thum zet an zawn hnuah vur hnuaiah an haichhuak thei hlauh mai a, sipai chawimawina famkim nen an thlah liam ta a ni.

Harbhajan-a ruang chu thlah liam ni tawh mahse a thlarau erawh chuan a awmna hmun chu a chhuahsan thei ta hauh lo mai.  He Nathula post ah hian a cham zui ta reng a, India leh China inkar ramri ah te chuan a Patrol thawm te hriat tur a la awm reng thin a ni, a thawm te an hre thin a, he thlarau hi mi tihthaih leh rikrap zawnga che chu a ni hran lo.

Tun thleng hian helai hmuna a riahna thin ah hian a pualin khum an la dawh reng a, mak tak maiin zing a lo nih hian a khum puanphah te chu thawhsan hlim ang maiin a lo chuar thin a, a sipai boot ah te pawh chirh te, bawlhhlawh te a lo kai thin a ni. Uniform te pawh a la dawng thlap a, uluk taka enkawl a la ni ve a ni.  He thlarau hi China lam sipai te pawhin an zah hle a niang, India leh China sipai hotu ten Nathula Post ah inbiakna an neih pawhin, he sipai thlarau tan hian thutna hranpa leh zu no a chanpual an siam sak ve thlap a ni.

A thih hnu ah a thlarau chuan  honorary in Captain ah an kaisan tir tawp mai a ni.  Kum khatah thla hnih leave a la thin a, a chawlh hunah chuan JCO, Subedar leh Orderly ten a mimal bungrua te chu Train Station hnai ber Jalpaiuri thlengin an escort a, chuta tang chuan a chhung ten anmahni khua thlengin an kalpui ta thin a, a leave a zawh hunah pawh a ngai ang bawk hian an escort leh thin a ni.

A chhungte, a nu tar tawh tak hian thlatin cheque in a fapa hlawh hi a la ve thin a ni.  Amah hriat reng nan hian Temple/Shrine an din nghe nghe a ni.  Amaherawh chu sipai zinga mi tho, Mr. Pyara Singh chuan chutianga mitthi tawh chunga an thil tih dan chu a thalo tiin Indian Army leh Ministry of Defence te chu court ah a khing nghe nghe a ni. (Hrechiang zawk leh he hmuna lo awm tawh te pawh visitor ah kan awm maithei a dik felhlel lai a awm anh chuan coment lamah mn lo hrilh mai dawnnia.