Kum rei vak lo liam ta a Saikhumphai a thil thleng kha Mizo mipui ten kan la theihnghilh hman in a rinawm loh a.Khatia khawchhak lam a kan zohnahthlak pui unau te an in leh lo halral sak an nih a,ei leh in tur pawh nei lo a chhuanchham a an awm lai khan MZP chuan kan unaute tuarna chu enliam mai harsa a ti in chhawmdawl a tum a.Amaherawh chu khatih lai a CYMA President leh a hnu a khilai bial a Congress MLA ni ta hmalakna vang in kan unau te chhawmdawl hna pawh kan Zirlai pawl ten an thawk tha hleitheilo a nih kha.
Tun hnai ah Assam nen a kan ramri chungchang ah boruak a sosang chho hle a. Kan zirlai pawl ten kan pi leh pu te hunlai atang tawh a kan ram diktak lo ni thin Assam lam in a min ron hnehchhuh ti tih tawh chu laklet a nih a kan ramri dik tak chin hi humhalh a nih theih nan Zophai ah Chawlbuk sak tum in an feh chhuak a.Assam Police ten kan zirlai pawisawilo te an duhtawk a an lo nghaisak a,Silai hial an thawh tawh hnu pawh a Mizoram sorkar in a ram mipuite thlavang a hauh ngam loh chu a tu a te pawh in kan dem em em theuh in a rinawm.
Kan hnam pasaltha MZP te Zofate Chawlbuk sa tur a hnatlang Assam Police te kuttuar damdawi in lam a in enkawl tur a an rawn haw ni 10.03.2018 zan a Vanapa hall a kan lo hmuahna a CYMA President thusawi chuan mizo thalai te beisei a pha lo in zirlai te thlavang hauh ngam lo Mizoram sorkar demna thu pakhat mah a chhakchhuak ngam lo a nih kha.
CYMA hi intihlar na hmanrua a hmang in Politics kailawn remchang a hman hi thil nihphung ve reng leh CYMA kal dan tur hrim hrim a ni ta mai emaw ni tih tur in tun hnai thangkhat lian chhung a CYMA hruaitu kal chhuak Political party zawm zui ta lo hi sawi tur an awm mang lo a nih hi.
Tun ah kan hun tawn chhoh mek,kan Ram leh Hnam hmalam hun a tan a thil pawimawh em em mai leh Mizoram leh hnam humhalh nan a thil tul tawpkhawk a kan Zirlai Pawl ten hmahruai a hma an la ngam hi an chhuan awm in an inpekna leh an huaisen na te hi a ropui tak zet zet a.Chutih rual in Mizo hnam pum huap pawl lian ber CYMA lak atang a kan beisei erawh Zoram mipui ten kan hmu lo erawh hi chuan ngaihtuahna a ti thui hle mai.
Vawiin ni 14.03.2018 a MZP ten hnam hnatlang ko a Bairabi zophai a Zofate chawlhbuk sa tur zoram thalai te a tam thei ang ber feh chhuah tum a nimin lam atang a kan inpuah chhahna leh kan ram leh hnam humhalh nan a engkim tawrh huam beih kan tumna chu boruak ah a thamral dawn ta a nih hmel.A va rilru natthlak tak em!
Hetia MZP ten Zoram chhan nan an hmalakna ti puitling tur a hma lam pan a kal zel tum a an in puahchhah mek lai a an hmalak tum na ti tlawh tur leh an tum ang ti hlawhtling theilo tur a Congress Party Sorkar hmalakna a CYMA a meizang hlap tu ber a an han tang leh zel hi chuan ngaihtuahna a ti thui in Mizo mipui te thinlung ah CYMA hian a hlutna a hloh chho mek zel a nih hi.
Engvang in nge CYMA hruaitu te hian Sorkar hi an hlauh em em thin a,Sorkar pawisawi hi pumpelh hram hram an tum thin.A chhan dang vak a awm lo,an hnukthak an in hiahsak tawn vel vang mai mai hi nia mawle.
Tun a Central YMA Vice President hi an veng Hlimen lah ah chuan sorkar sikul zitirtu hna thawk ni in an sawi a.Chutiang a nih si chuan hetiang tak a CYMA a active tak a a inhman theih chuan Sorkar a a hlawh hmuh na leh a hnathawh lai Zirtirtu ang chuan a thawhna sikul ah atangkai hmel viau in a rinawm loh.A thu hrim ah Kan Sorkar hian Aikal lak te kha a khap in ka lo hre thin a.CYMA Vice President hian a hnathawhna a ai thawk tur in Aikal a la nge,CYMA a a inhman avang hian Sorkar lam a an dept hotuten an hriatthiamna sang tak a lak ah an nei nge ni ang a.A thawhna School Education dept lam hian CYMA leh Mizoram Sorkar in inhriatthiam tawn na thuk tak an neih hi hrethiam in a chung ah Action an la ngam lo zawk? Hre chiang deuh kan awm em aw?
Tun a CYMA President hi Engineer zir zo amaherawh chu CYMA lam a full time a in hmang thlang ta zawk ni awm tak a ni a.Tun hnai deuh atang khan CYMA President ah hian Sorkar hnathawk sorkar lam a an pu te hlauh tur nei lo leh eng issue pawh thleng se Sorkar hlau lo a hmachhawn ngam tur Sorkar hnathawk lo ni thei si tih thawm kha a ri fo thin a.Hei tun a kan CYMA President hi Mizoram Sorkar hnuai emaw Central Sorkar hnuai a hnathawk nilo,a tul hun ah chuan Zoram chhan nan a Sorkar pawh huai tak a hmachhawn ngam tur a kan lo beisei kha engteh ual a nih loh zia leh Sorkar pawisawi a hlauh zia chu tun hnai thil thleng hian a ti chiang tak zet a nih hi.
Ruihlo ngawl vei te leh hmeithai harsa tak tak mahni intun nun nan tak tak a veng mawng a Zu zuar te lak ah chuan an huaisen thin in chhantu nei lo mi chhumchhia te lak ah chuan an in lulin thin zia hi Mizoram mipui te hian kan hai hauh lo.Amaherawh chu kan ram hmasawna tur kawng a kan mutan lian ber Corruption do tur erawh chuan zoram mipui te hian kan phut chhuak zo lo in,helam kawng ah hi chuan ke an pen ngam loh zia hi chu kan chiang tlang tawh viau a ni lawm ni.
Engvang a Corruption hi kan ram a Tlawmngai pawl lian ber hian do ngam lo nge an nih.An ni hiam Corruption do kum te hi puang in ruihlo zuar te chung a hma an lak ang chiah hian kan ram hmasawnna tur eiruk ching Officer dulkiar ho lak ah hian hma han la ve ngam tak tak se chuan kan ram hian a sawt pui in Zoram mipui te hian 100 ah 100 in kan han thlawp dawn chiang vei nen.Mahse Corruption do ngam tur khawp hian an huaisen na in a tlin lo in an mahni ngei pawh an fihlim tawk lo a nia nge,Corruption do zawng kan la hlat hmel riau mai.Sorkar corrupt do a hnek in sorkar hi an hlauhtlawn in bawkhup in chibai an buk lo chauh mai hian ngaih a ti tha lo a.Sorkar hotu lu te nen hian Zoram mipui te hriat loh in an lo inti lawm tawn ru viau in a rinawm tak zet a ni.
Hetiang tak a Pawl dawihzep leh sorkar uite ang mai an khawsa chho zel a nih a,CYMA hi mi pamham leh mi duham ten intihlar na hmanrua atan an hmang chho zel a nih chuan he pawl ropui tak ni thin hian rawih lam a pan zel in nakin lawk ah chuan a la tlusawp nuaih lo ang tih pawh hi a sawi theih ta loh.
Ruihlo do kumpuan te hi han nei thin ve bawk mahse an hmalak ngam na tawk chu mi hnuaihnung leh chhuanchhe zawk chhan tu neilo te lak ah chiah hian an huaisen ngam a tih loh theih loh a.Sorkar a thunei tu lian deuh leh thil tithei deuh ruihlo a sumdawnna a ,a ruk a in hnamhnawih hi an awm nual a hriat a nih lai hian heng mithil ti thei zawk te lak ah hian CYMA/SRS hian hma a lak ngam thu leh an Kawngkapui hial an kalhsak tih thawm te hi kum 2004 a Ruihlo Do Kumpuan thupui a an neih hnu atang hian hriat tur reng reng a la awm hauh lo zu nia.
A dik a dik chuan tun hnai kum 10 chhung a ruihlo leh a kaihnawih avang a thalai boral ai hian tun hnai kum li emaw lek chhung a Thalai leh rual u zawk te zu leh a kaihnawih vang a boral hi an tam fe zawk tih hi thil nihna diktak ( Fact) a ni a.
CYMA hian heng kan thalai leh rual u zawk te zu leh a kaihnawih avang a boral an tam em em lai hian he Zu zuar Sorkar hi a do leh ngam tlat thung silo.Chu ai chuan an ngam tawk lek mi hnuaihnung zawk ruihlo cheng zali zanga man lek zuarte hi an veh an veh peih in an lak ah erawh zahngaihna lantir hauh lo in an inluling leh thung si a nih hi.
CYMA hian Ruihlo vang a kan thalai te nunna chan an tam ta lutuk hi a vei tak tak a nih chuan tun hnai a kan thalai ten damdawi ai pawh a an thihpui tam ber zawk ZU hi a do ve ngam tur a ni dawn lawm ni.
Ngam zawng te lak chauh a inluling a in vaivung thin.Ram leh hnam khawih thil issue pawihmawh tak leh Mizo hnam pum pui ang pawh a kan tanrual a hun lai tak a Sorkar lak a a tuang ti chhah ngam lo leh sorkar pawisawi hlau em em leh si te hi Mi dawihzep dik tak leh Ram leh Hnam hmelma diktak zawk chu an ni dawn lawm ni.
Share and subcribes enjoy
On 09 september 2024, at 03:26, Anonymous commented on 
0 Comments
I ngaihdan han thawh ve teh le!