KA PA, KOHHRAN DAN THIANGHLIM KAN TLINLO !!.

By: Johntea Pachuau (True Story).

He Tlangval entawntlak tak mai hi a hming sawi ka tum hran lova, tin a chenna veng pawh sawi ka tum hranlo. A hnampuite tana a entawntlak zia leh engkimtithei kan Pathian hi bumtheih a nihloh zia a hriat chian em a vang leh a huaisenna hi a en tawn tlak em avangin, Mipuite hriat lova he chanchin a thamral tur hi ka ui em vanga he post hi buatsaih ka ni.

NUPUI NEIVE TAWH RAWH MAMA : Unau-ah pawh a upa ber a nih avangin leh a kum pawhin a chaldelh ve tawh em avangin, a pa Kohhran Upa min chuan nupui zawng ve mai tawh turin an rawn fova. Chutia nu leh pa te ngenna kum tam tak a hnar hnu chuan, a kum pawh a lo tamve tan ta hle a. A nupui neih duhlohna chhan a naute pawh Puitling tak tak an lo nive tanin, hna thawh neiin anlo awmve tabawk a. A pa Zirtirtu hlawh bakah a lo inkhawlve tang tangna a vang chuan In tha tak an dinve thei ta. Tlangvala chu an in ngaihtuah vang vang hnu chuan, ni e Ka pa rem intih chuan nei turin rilru pawh kan siamve tawh mai a ni ang chu. Tiin Nupui nei tur chuan thutlukna a siamve ta a.

Chutia nupui nei tura rilru a siam takah chuan, nupui a tana a lo hual ruk rauh rauh kum tam tak a lo ngaihzawn tawh Doctor hnathawk lai nen chuan palai tir turin thu anthlung dun ta a. Tichuan a bialnu kum tamtak a lo ngaihzawn tawh chuan, kar lovah palai hmel hmu nghalin Innei tur chuan an inrem ta. Chutia palaite an hlawh tlin tak berah chuan, man leh mualte sawi fel turin leh a hun leh nite bithliah fel turin palaite chuan kal leh antum mek lai chuan, an fapa chuan ka pa hetia man leh mual leh a nite in bithliah dawn takah chuan, kan pahnihin (A nupui tur nen) sawiduh kan nei a, an chhungte leh kan chhungte hian thil sawiho kan ngai. Tiin, a pa hnenah chuan a hrilh ta a.

‘ KOHHRAN DAN THIANGHLIM’ KAN TLINLO : Tichuan Mipa chhungte leh Hmeichhe chhungte chu, an fate pahnihin sawiduh an neih avang chuan an in hmu khawm ta chuk chuk a. Mipa pa chu lo dingin, hei kan faten an inneih dan tur chungchangah hian thusawi duh an nei a. An thusawi duhte sawi turin ilo sawm teh ang a han ti a. Tichuan an fapa chu lo dingchhuakin, a inchhir a ni tihhriat tak chungsi, a hmela huaisenna hmel zam chek chung chuan, Ka nu, Ka pa, Ka pi, Ka pu leh kan Palaite, zanin a helaia chhungkua lo kalkhawm zawng zawngte, kan tizak dawn hle che u a ni tih hre mah ila, kan pahnih hian ‘DAN THIANGHLIM’ a Inneih kan tlinloh thu hi inhriatah kan sawiduh a ni. Chuvangin dan hnihna in Kohhran Hall-ah kan Inneih mai a ngai dawn a ni. A zahthlak viau na-in sawilo theilo niin kan inhria a. Kohhran mipuite chu bumthei mah ila, kan Pathian kan bumve thei silova, chuvang chuan’ Dan Thianghlima’ Inneih hi kan ngam nganglo a ni.

A hmeichhia hian fa a pai pawh ka tilova, mahse kan chetsual miau tawh avangin ‘Dan Thianghlim’ hi kan tlin tawh lo. Kan tihzahna tur zawng zawngah che u kan pahnih hian ngaihdam kan dil nghal ache u. Tiin an rinloh lutukin Dan Thianghlima Inneih antlin loh thu chu an fapa chuan a rawn sawi ta a. An mimal thuruk chutia an puang chhuak mai chu mak pawh anti hle a ni.

Chutianga a Innei tur ber ten Dan Thianghlim kan tlin lo a ni. Antih takah chuan, chhungte tan chuan ‘Dan Thianghlim’ a Inneih tir chu tum talh chi zia zang a ni talo. Dan hnihna a Innnei tur chuan thu anrem felta a. Vengchhung mipuiten chutia an Innei tur anhriat ruala dan hnihna a Innei tur an nih thu an han hriat chuan mak an tiin, a Nupui tur chu a railawk a nimaw ? A van mak em em, Kohhranah a inhman tehreng nen. Tihte chu veng chhungah chuan kar lovah a ri tanuk a. Mahse dan thianghlim an tlinloh dan a Mipa in huaisen taka a sawi vanga dan hnihna a innei tur an nih thu an han hriat chuan, mipuite rilru a hnehin he Tlangval huaisen tak thil tihdan hi entawntlak antih thu chuan a khah chhilh rang hle.

An Inneihni hian a mak a makin Mipui antam a. Dan Thianghlimin lo Innei tase, hetiang em em hian mipui hian an hlutsak ang em ? Tih chu an ngaihdan a ni. Kohhran Mipuite leh Kohhran hruaitu Pastor thlengin bum thei mahse, an thiltih hmureng tu Pathian an bumve theih miauloh a vangin, an nichuan chu Pathian chu an zahin an hlauva, thil nihna dik tak puang chhuakin Kohhran Hall-ah Inneihna chu an hmachhawn ta a ni.

He mite nupa hi Pathian malsawmna tam tak dawngin, fa pawh an nei tawh a. Tunah hian dinhmun zahawm takah Pathianin a hlangkai a. Naupangte niin chhungkaw zahawm tak leh hlim takin Aizawl veng pakhatah an cheng mek a ni.