Mirethei hnuaihnung ina chaw ei duh zawk- DC DANGLAM

2nd March : DC chin ten an bial chhung an tlawh emaw chuan țhuihhruai nen an ri duah a milian takin an awm vel duh viau. Tamil Nadu a Karur DC, T.Anbazhagan chuan a bial a tlawhna ah mi rethei chhumchhia tar nupa ina chaw ei a thlang zawk.

He mite nupa rethei tak mai hi Raman(82) leh a nupui Rengammal(80) an ni. An in chhe ve tak maiah chuan DC mikhualin an hmingin a ko ang tih hi an ring pha ngai hauh lo. Mahse an sawm ni miah lovin hetiang hian an chungah a thleng ta a ni.

DC hi he khua ah hian mipui hnena thusawi turin a kal a, chaw chhun ei a hun chuan hemi te nupa in chhe tak mai hi a pan ta a ni. Chaw  a ei pah hian an chhungkaw chanchin kim chang a zawt chhuak a, Anbazhagan hian an nupa chuan Old Age Pension(OAP) an la ngailo tih a hre chawpchilh a, Revenue Officer kovin an tan hian dan ang thlapa an hmuh ve theih nan ruahmanna siamsak turin a hriattir nghal a ni.

He Officer pawh hi mi dangdai tak mai, inla milian leh inla Officer vak chi a nilo tih a hriat ngawt mai. He mite nupa tar tawh tak hian an thil tawn chu mumang ram ang maia ngaiin hahipin an sawi chhawng a ni.

Pic : DC in mi hnuaihnung inah chawchhun a ei.

Sena Ralte