MRP AIA SANG MAN CHHUAH TUM

Legal Metrology leh Mizoram Consumer Union chuan Mizorama dawrkai Maximum Retail Price (MRP) aia sanga zuarte man chhuak turin tan a la leh dawn

An hmalak dan tur chungchang hi Apr.4,2018 khan Legal Metrology Joint Controller, Pu Laldawngliana kaihhruaiin a Office-ah ruahman a ni.

Hmun hrang hrang tlawha dawra thil zawrhte an endik dan tur duan chu bawhzuiin a huhovin Legal Metrology hotute leh Mizoram Consumer Union hotute chu an thawk chhuak ang a, anmahni tawiawm turin Press mite an sawm dawn a ni.

Hetihlai hian District Hqrs. hrang hrangah pawh Legal Metrology Inspector dahte chuan MRP aia thil zawrh zawn chhuah hna an thawk zui zel dawn a ni. Hma thar lak dan tur sawihonaah hian Legal Metrology Officer te bakah Zoram Consumer Union atangin General Secretary, Dr. Chawngsailova leh Office Bearier dangte an tel a ni.

Blog share la, subcribes ve rawh le. Enjoy.