SARUAKA MUT HIAN MIHRING MIN TILANG NAUPANG A, MIN TIHRISEL BAWK A NI

HRISELNA: Keini zofate tan chuan saruaka mut han tih chuan engemaw riau kan rilruah a rawn lang mai thei a ni. Mahse zirchiannaah chuan saruaka mut hi mihring tan a that hle thu an hmu chhuak a ni.

Saruaka mu thinte vanneih bikna chu :

1. Rilru a ti zalen : Saruaka kan mut hian min phuartu thil engmah a awm tawh lo va, chu chuan kan hriat lohvin kan rilru nasa takin a tizalen a ni. Chuvang chuan tui takin kan muhil thei a, nileng a stress (rimna or marna) kan tawn zawng zawngte a tibo duak thin.

2. Bacteria lakah a him : Saruaka kan mut avangin kan taksaah lumna a tla hniam thin, Pangti lum a tlak hniam chuan bacteria ten min rawn pan duh lo a, a awmsa te pawh rei loteah an tlan darh mai thin. Kan taksaa pangti lum awm thin hi bacteria te tan chuan nun khaw chhuahna tha tak a ni.

3. Rihna a tla hniam: Saruaka kan mut hian kan taksa chhunga calories pawimawh lote a halral thei niin an sawi.

4. Lan naupanna thuruk: A mak khawp mai, saruaka mut vanga mihringte lan dan han naupan theih chu. Mahse, mi tam tak an zirchiannaah chuan saruaka mu thinte chu an lan naupan mai bakah, an hrisel zawk tih an hmu chhuak tlat a ni.

5. Tihrawl (muscle)/ruh a tichak: Hei pawh a mak leh tho mai, saruaka kan han awm chiah hian hormone chi khat a chhuak a, chu hormone chuan tihrawl (muscle) leh ruh a tichak hle niin an sawi.

6. Thisen a sem rual : Kan taksa chhunga thisen insem kual dan hi mihringte tan chuan thil pawimawh tak a ni. Mi tam tak chuan kan taksa chhunga thisen luan dan a normal theih nan exercise kan ti a, a thenin damdawi an ei thin bawk.

Chutianga harsa taka tih ngai lovin kan taksa chhunga thisen tha taka a insem rual theih nan sakruakin mut mai tur a ni.

Mahse saruaka mu ngai lote tan chuan zan 2/3 vel chu awm thiam a harsa deuh mai thei, mahse, a rei hnu chuan i zawngchhang ngei ngei ang.

Saruakin mu la, sum sen ngai lovin lo hrisel rawh le.