Aadhaar chungchanga Supreme Court thurel

September 27, 2018

Supreme Court chuan nimin khan Aadhaar Act-a Sectoin 57-na chu paihin, private company hrang hrangin anmahni thua Aadhaar an lo phut ve ngawt phal a nitawh lo.

Supreme Court Judge Justice AK Sikri chuan Supreme Court thurel hi chhiar chhuakin, Aadhaar Act Section 57-na chu India Danpui kalh a ni tih a sawi a. Heti a nih chuan private firm hrang hrang – telecom company te, internet hmanga sumdawn -na firm te leh private bank-te chuan an customer-te hnenah Aadhaar card an phut thiang tawh lo va.

An customer-te phalna a nih loh chuan eng private company mahin Aadhaar detail hi an dil lui thiang tawh lo a ni.

Aadhaar Act Section 57-naah chuan Aadhaar number chu sorkar leh private company hrang hrangin an phut thiang niin a inziak a. Hei hian India Danpui Article 14 a kalh niin Supreme Court chan a sawi a.

UIDAI chuan mi malten an puan chhuah vek duh loh data an kawl ngei a, chuvangin hetia an nawm an maka private company-ten Aadhaar number an la thin hian mi mal zalenna dan a bawhchhia a ni an ti.