AADHAAR NUMBER DELINK DAN.

             JTCN.
 Tunh aiah Supreme Court in thil thenkhatah Aadhaar number hman ngailo turin rorelna a tichhuak a.


 Heti a lo nih takah chuan thil thenkhat, Bank te, mobile phone te, inline shopping thenkhat te a Aadhaar number lo thlunzawm (Link) tawh te chuan tih tawp an duh ngei ang a.


 Bank Account thenkhat, sawrkarin hlawk a a siam, subsidy leh thildang te lo dawnna tihloh chu thlun zawmna paihtir theih a lo ni ta.


 UIDAI chungchanga sawrkarin kaihhruaina, Regulation a siam te a li tlangzarh tawh dan chuan, Aadhaar number neitu tupawhin, enghunah pawh, a number hmang tura midang/pawldang a lo hlan tawh te chu a tihtawp tir thei ang a, chutianga a duh chuan, a lo hmantir tawhna te chuan Data te chu an delete nghal tur a ni a, midamg an lo share tawh te pawh an titawp nghal vek tur a ni, tih a ni.


    Hemi awmzia chu chutianga Data an lo kawl te tih tawp tir chu Dan in a phal a, an tihtawp avangin pawl/company te chuan an service an pe lo thianglo bawk a, Data an lo collect tawh te chu an paih (delete) nghal vek tur a ni, tih a ni. Mahse, servive provider te hian awlsam tska chutiang a tih dan chu an la siam lo niin an sawi.


    Chutih lai chuan, service provider thenkhat, PayTM  ang te chuan chutianga an Aadhaar number delete duhte chu an duh anga tih a phalsak a, chumi tur chuan Customer Care No. 01204456456 ah ngenna siam tur a ni.


 Chutianga tih chuan official email i dawng anga, chuti chuan an data base atangin, darkar 72 aia tlai lovah delete chu an ti mai dawn a ni.


     Hetiang deuh bawk Telecom service provider te hnenah pawh tih tur a ni. Mahse, Bank lam hi chuan online a delete theih mai na hi an nei ve lova, chuvangin, mahni awmna atanga an Branch hnai ber pan a, chuta tanga delete tir ve mai tur a ni. Mahse, sawi tawh ang khan, NREGS dawnna te, Gas subsidy dawnna leh thildang sawrkar thilthlawnpek dawnna Bank account atangte chuan delete tir a tha lovang.


Note:- I theih anga rangin i adhaar i link sa zawng zawng unlink vek rawh. I mimal zalenna hi mi hnenah hralh tawh hauh suh ang che.. INDIA rorelna sangber supreme court chuan a dan siamthar hi uluk taka angaihtuah hnuin he tia adhaar vawrh lar chiam hi mimal zalena dodalna niin atarlang.