KIWI THEI hriselnan

(Actinidia chinensis) Kiwi thei hi rama ţo niin century 12-na ah China rama hmuh a ni tawh a, 1910 velah New Zealand-a chîn ţan a ni a. Kiwi thei kûng hi a zâm chi a ni a, hmun vawt, ruahtui ţhatna leh lei hnâwng, tui pai rei lovah a ţha duh a. Kiwi thei hi Mizoramah pawh hmuh tur a awm ve a. A man erawh duh aiin a to deuh va. Thei hrisel tak mai a ni a. Kiwi thei ţhat bikna tlem han tarlang teh ang.

Kiwi thei hian vitamin C a pai tam hle a. Kiwi thei hian potassium a pai tam bawk a. Kiwi thei hian vitamin E,  pyridoxine, magnesium, calcium, dietary fiber, iron a pai a.

Kiwi thei hian omega 3 fatty acids, carotinoids leh polyphenols a pai bawk a.

Kiwi thei hian blood pressure a vawng dik thei a.

Kiwi thei hi lung hriselna atan a ţha a, lung natna hrang hrang awm theihna remchang a titlem theia sawi a ni a.

Kiwi thei ei hian êk khal a tiziaawm thei a.

Kiwi thei hi vun hriselna atan a ṭha hle a, hmai hnawih hrang hrangah pawh telh ṭhin a ni a. Kiwi thei hian mi a titar har thei a.

Kiwi thei hi hriatna thazâm tan a ţha a, zân muthilh ţhat theih lohna a tiziaawm thei a, mi a timuhil ṭha thei a ni.

Share and subcribes enjoy.