ZARKAWT JAC AN TAWNGCHHUAK TA

September Ni 7, 2018 zana Zarkawta thil thleng chungchangah Zarkawt JAC an tawngchhuak ve ta niin Facebook ah te kan lo hmu a.

.

"Zarkawt J. A. C. chuan a tir tê atangin bêng kan chhiin thilawmdan kan en zui reng...."    tiin an thuchhuah siamah an sawi lang a, a lawmawm hle mai.

.

Heti a nih chuan, FIR thehluh lai te, Police ten FIR an bawhzui dante, FIR thehluttu te thu thlen leh Police ten  IPC Section an lo pek dan a inpersan deuh ni a Pi Lalthanzualin a hriat chungchangte, FIR register a nih lawk loh avanga an veng nu Pi Lalthanzuali mangannate hi an hmuh pui zel turah ngai ila.

.

Pi Lalthanzuali mangangin SP hial a pan tak hnua  Case registered chauh a ni an tihte, Case i/o thar neih a nih tak thu an sawite, Pistol etc te pawh mansak a la ni lo nia an sawite hi CHIK takin an lo thlir ve reng a ni phawt mai a. Pi Lalthanzuali Press Statement a siam hma zawng khan thawm an nei lem lo a.

.

Mahse, Aizawl venglun lai ber a vengchhung JAC te meuhin, a tir atanga ngun taka an lo thlirpui thu hriat hi a lawmawm a, an veng chhung mite tan phei chuan a thlamuanthlak hle ang. Chik taka enpui ve reng siin, an veng nu manganna hi an lo thlirpui ve zel lo palh ang tih hi mipuite hian kan lo hlau a ni tih hi hria se,  an theihna zawnah chuan han ṭang sauh sauh teh se.

.

Eng ram pawh, khawi khua leh veng pawh hian, mahni khua  leh tuite an humhalhin an chhan viau thin vek a. Mahni khua/veng mite hi an dikna ah ngat phei chuan kan chhan tur pawh a ni ve reng a. Tin an dik emaw dik lo emaw pawh nise, veng chhung kaihhnawihah thubuai hla buai a awm chuan, dan anga dik taka rorel a nih theih nan vengchhung JAC ten tan lo lak ve kha an tih awm tak pawh a ni ve.

.

Zarkawt JAC te hian an veng mi Zothansanga chungchang hi dan hnuaiah Dik taka rel fel thuai a nih theih nan theihtawp an chhuah zui zel turah ngai ila. Zarkawt JAC te chungah kan beiseina pawh a sang hle niin a lang. Mipuite pawh hian rorelna dik a awm theih nana hmalatute hi i thlawp tlat ang u. 

.

Tumah hi inhaw lo ila, Diklo leh sual erawh hua ila, DIK leh THA chu i um zel ang u.