KUM 1998-A NULA THATTU TEXAS-AH TIHLUM

22nd Aug. : Larry Swearingen (48) chu kum 1998 a zirlai nula Melissa Trotter pawngsuala thata puh a nih angin 'lethal injection' hmanga tihhlum a ni ta.

Larry Swearingen hi kum 2000 khan thiam loh chantir a lo ni tawh a, Trotter-i hi a pawngsuala a that ngei niin prosecutor te chuan an sawi a, Trotter-i hi December 1998 khan Sam Houston National Forest, Texas-ah ni 25 chhung a bo hnuin thia hmuh a ni.

Hetih lai hian a lawyer chuan DNA bakah Trotter-i taksaa kuthnu chu Swearingen-a kut hnu a ni lo tih finfiah a ni tiin a tang a, tihhlum a nih dawn pawhin Swearingen hian, Lalpa ngaidam rawh, an thiltih hi an hre lo a ni tih chu a thu sawi hnuhnung ber a ni.

Kum 2010 atanga Swearingen-a case buaipuitu, Kelly Blackburn, assistant district attorney chuan mi, thiam lohna nei lo, mi fel kan tihlum lo a, Trotter-i pawngsuala thattu ngei a ni kan tihhlum a ti ve thung.

Death Penalty Information Center tar lan danin Swearingen hi kumina US a mi tang tihhlum 12-na a ni.

Saihmingliana Sailo.

Please subcribe and share ,enjoy.