KHAWHAR IN RIAH ZAN III

Zan rei tak thleng pawh len ka tum hran lo na a, ka duh aiin kalo leng rei ta phian a, khawhar chhungte erawh an zai tui dawn chauh emaw tih turin khuang an nawn tluk tluk thawm pawh ka hre thei rei ruai mai! Ka haw chu a hun tawh na in an la zai tui ka rin avang chuan kan thu khawtlai leh hrih a, ka nula rim pawh a ham deuh bai bai tawh tih ah chuan ka thutna a tanga tho vin haw zai ka rel ve ta chauh a! 

Tuntum kan mitthi chu ka thiantha tak ni mahse huatna riau ka neih avangin a ruang ni pawhin ka awm duhlo a, a thlan tak ngial pawh ka lai duhlo kha ani a, mahse khawhar in em riahloh chu ka tih deuh avangin ka riak dawn ta hram chauh ani. Ka len haw meuh chuan lengkhawm zai pawh an reh duak tawh a, hla vaklo a biakin dar in khawng ri bal bal chuan ka lung te pawh a ti leng lek lek mai, nula rim thluk zawhloh ngah viau mah ila, len hi nuam ka ti ve hrim hrim a, len ka peih em avangin ka thiante pawhin ka hminga minko duhlo vin zanvaka tih hlirin min ko thin.

Khawharin ka thlen dawn hnaih chuan nu pakhat samsei vak lemlo nen hian kan in tawk a" an mu tawh hlawm em aw" ka tih chuan min chhang lo! A hrelo a nih ringin ka zawt nawn leh ngat a?? Mahse alo kalbo hman daih tawh, khawharin kawngka atanga eng rawn chhuak ka hmuh takah chuan an la mulo a nih dawn hi ka ti rilru nauh nauh a, ka meizial duh tak zopa ke ngeia chil chu tan tumin ka meitalh chu ka han lek kang a, chutih lai chuan khawi lam atanga rawn chhuak nge tih hriat theih loh hian hmeichhe in hnit faih faih thawm chu ka hre ta tlat mai! Ngaih thatlohna tur erawh ka nei lemlo, ka thiannu te in kawt hi chu hmeichhe tahkawn tih hial khawpa hming ka vuah ve kha a ni miau a lawm, a duh leh lo tap mai mai teh se!! Ka hne hmeichhe tahbelh lutuk hi chu tih pah chuan ka meitalh chu ka han hmet têk chhak a!

Chu tah le a aia ringin a rawn in hnit leh faih faih a! Engahmah chuan ka ngai hranlo, mei ka zu zo tawh bawk a, ka luh hmain zun in lam chu ka pan phei a, an zunin hi in atang a fit 15 vel daihah an siam avangin pan ve deuh angai a, zunin ka thlen chuan a hmaa hmeichhe in hnit faih faih thawm ka hriat kha zunin bulah chuan hmeichhe pakhat chu lungchhe awm fahran hian alo tap chu niin, " thiannu" min chhang hauhlo!

"In chhung lamah ilut ang hmiang" min chhan tak loh ah chuan ka ngaih a tha chiah lemlo hle, i bulah ka rawn thu ve dawn ania tih pahin a mah pawh en hran lo chuan ka thu ve mai a, a taksa chu khawvawt a a awm vang em ni a vawt deuh in ka hria! " Thiannu" aw tih zawngin min chhang a, ka biak a duh vaklo a nih dawn hi ti a thawh ka tum lai tak chuan a mal var lai chu ka zuk hmu kher kher a! Chhei le! Ka thiannu kan vui zawh hlim hlawl kha ani tih ka hai lo, a mal var laia ka tatoo chhut sak, a dum a ka ziak ngei mai kha alo la lang kalh mai!

Ka tim sung sung a! Hlau anga awm erawh ka tumlo! Zawi muangin ka tho tial tial a, khawhar in lamah chuan chak theih tawpin kal pah in ka tlan ani deuh ber mai, hnunglama thianpa ti a aw tham taka min ko tu aw chu  ka hriat than tak mah nise ka kal chak tulh tulh zawk a! Min ko tu aw chu chhanglet i lang chuan enge ka chungah thleng dawn tih pawh ka hai hranlo, in chhungah chuan kawngka ri rawk khawpin ka in pal lut a! Midang riakve pahnih chu an lo la meng ve ran mai!

Chutia hlauh hmel taka ka lut an hmuh chuan an ngaih a tha chiahlo hle, mahse ka sawi chhuak duh ta lem lo a, ka mutna chu a sira awm a ni leh nghal a, fal deuh bik riauin ka hre telh telh a, khua lah vawt viau e tilo chuan thlan fimin min bual nasa ta mai, ka bul chiah a mu siamtea chu a rawn harh veleh bawk a, kan thian ho ah chuan thlahrang ngam ber leh fiamthu thawh nana hmang thin ber mai chutia ka awm ta chu an ngaih a tha zanlo hle.

Light chu off lo turin ka hrilh a, ka mutna chu siamtea nen chuan kan in thleng zui ta bawk nen,ka ngaih chu a ngam deuh huai mai! 

Kalo chhing sek a! Choka lama thleng ri rawk ah chuan Ka thangharh hlawl mai a, ka bula ka thiante chu an mutui hlawm hle mai ,ka mut dawna ka thil tawn kha ka rilru ah a rawn lang thuai a, ka en ngam lawk lo,ka mutna chu ka han en a, ka rei leh, asir ber ah kalo mu leh ngat mai! Chu mai a nilo ka mutna chu hnuhsawn tih hriat takin a fal deuh in a awm nghe nghe! In sawn phei leh ka ngam tawh lo ! Siamtea nena mutna kan in thleng kha a ni a engtia hetia awm nge maw a nih chu ka hre der bawk silo! Choka lam pindan chu a ri leh kauh a, parda karah chuan thil enge maw hi ka va hmu a, hlauh tawh sa laiin amah bawk chu min hnung chhawn zawng in a lo ding chu ka va hmu hman zuai a, rang lutukin ka in lukhup nghal vat a, thlan a tla nghal phat phat mai! 

Thawm chu a rawn hnai zel a, ka bul a thlen chuan a tawp deuh chat a! Ka in lukhupna puan chu ka pawt nghet sauh sauh a, minute khat vel thawm chu a reh ta! Puan kar atang chuan ka bih dek dek a! Ka phu chiang ngei mai ka rei! Ngun em em mai hian kan thlahrangi chuan minlo melh anih chu! Ka va han hlau tehreng em!ka puan chu ka chip leh rang teh asin, Au chhuah tumin ka ka ka ang na in aw chhuak tur erawh a awm der lo!

A reh deuh vang vang a thawm a awm takloh ah chuan ka ngaih chu a tha hman viau, minute 3 bawr vel chu a reh hman awrh tih ah chuan kan piah bera mi chu a te ta thawt mai!  A te thawmah chuan kan vaiin kan harh ta vek a, kei erawh ka puan ka keu ngam tawhlo, ngam leh ngamlo in ka thiante lam chu ka han keu hawng leh da da a! Ka thianpa siamtea leh midang kalam rawn hawi deuh thap leh hlauthawng hmel tak ka hmuh chuan thil awmdan chu ka man thiam ta! Ka bulah chuan alo la awm reng ani! Thlan fimin min bual huh vek tawh alum in a hreawm takzet mai.

Kawl aphe zuaih a, current a rawn awmlo zui a! Kan buai ta nuaih nuai mai,a thlahrang ber pawh hriat hran theih ni tawh heklo le a tu a mai pawh chu kan in hlau vek tawh a ni ber, kei pawh chu ka tho thut a ka thiante awmna lamah chuan chak mang kheng in ka tlan phei ve nghal rawk rawk a, a changin a hik deuh mum mum a, a chang leh thil rim natak engrim nge hriat siloh chu a nam leh hawk thin. Kawl phe karah chuan ka mutna bulah chuan a thu tih chu a tu a mai pawh chuan kan hmu chiang hle, chutiang chuan vartian thlengin ka mutna bul maiah chuan a thu a, vartian ah min tin san ve ta hram ani. Hlauhawm takin che lemlo mahse mitthi tawh nena in chiah piah erawh thil nuamtak a ni lemlo. 

Ka puan thuah pawh la duh tawhlo in ka haw vang vang a, he mi te inah hian vawi khat mah ka kal leh tawh lo ani. Tun hnu a ka ngaihtuah kir leh hian ka hnenah khan sawi duh engemaw a nei a nih te ka ring ta rum rum mai.

Ka blog min lo share sak la min lo subcribe ve ngei ang che. Enjoy.