Ka inluah na hmasa zawk atanga ka chhuak tur chu ka hreh viau mai a,ka duh ang tawk a kalo chei hnum ve tawh ka in anih hi ka lo tih ve thin chu chhuahsan a ngai dawn ta chu ani a,ka ngai dawn khawp mai, ka hna thar tur ram lam hna chu har deuh dawn mahse hlawh a that thung avang in kalloh ka ti zet na a ka hnial phal talo! kal tur chuan ka in ring ta ran mai. hna awl ai tak erawh a nih dawnloh avang in ka huphurh ru hle thung a, thing lian tak tak karah mahni chauh a awm te chu ka la suangtuah chhin ngai hauh lo.engtin tak awm ang maw!
Ka riahna tur pa pawh a rawn thleng thuai a,kan liam zui chu ani ta mai! khawiah nge kan kal dawn a? khawi lam nge kan pan dawn tih pawh hre lemlo chuan ka ar khawthimdai ve tawp mai ani. Engpawh nise zui zel phawt teh ang. ram ngaw chhah tak thim deuh khup mai chu kan lut tan tih ah chuan hla vakloah hian in tha vak tawhlo, han en mai pawh a reitak luah tawhloh tih hriat fahran maiah hian min luh pui a, alo hnawk deuh nuaih nghe nghe a, kan han ti fai zung zung a, ka in vawm lut ve ta rawih mai a ni!
Helai ram Trail an tih mai ram ngaw hi tlang in a hualvel ram ani a, nungcha leh sa an la tam in sa lian deuh chi te pawh an la awm fo thin , chuvangin in vennan tiin ka silai ka pa silai hlui min rochun chu ka keng a, a mu tam tawk nen! he silai hi riffle hlui lam tawh mah nise a kah ala dikin ka tum ka thelh ngai hauhlo, sa kah thiam tak nilo mah ila, sa ka duh ang a piang chu ka ei ve thei in ka silai chu a chhuan pawh ka chhuang hle, he ram trail hmun hi sa chauh nilo mihring hnuhma pawh an lo hmu fo thin tawh a, tunge a nih chiah hriat theih siloh, awm ngei si te pawh sawi tur a tam in sa mak pui pui an hmu fo thin bawk, chungte a nih avang chuan ka silai ka kenglo ngam biklo ani.
Ka hna tur ber lah lengkir sangtak kan ngai niin tlak palh chuan dam chhuahna chance a vang hle, lui lian tak chuan huan rawn chim in chu mi chim sang zel tur chu ka veng dawn a ni a, tui lian dan lo tum chu thil tih chi ni lemlo mahse ka sawi duh ta lem hleilo a! ka hna ka chan ka hlau miau alawm le!
Hna awmdan leh tihdan min han hrilh zung zung hnu chuan a tlai deuh ta bawk a,a hlat tham deuh bawk avangin ka riahna pa chuan min hawsan ta a, keimah in ramhnuai pilril tak ah chuan ka awm ta ran mai, sava chiar nak nak thawm te leh ri neuh neuh a tam avang erawh chuan khawhar thlak vak lemloh thung. ka let phei thuai a, lengkir sangtak chu kal pel in he lengkir hi fit 280 bawr vel zet tura sang hi ani a, a hnuaiah puk lian vaklo thuk zet a awm nghe nghe ani.
Ka riahna tur in hi hlui lam tawh ani na in a lian in chhungkaw 3 vel zet chen theihna tur a ni hial in ka ring, a chhawng a ni a, chhawng chung lamah chuan awm lo in a chhawng hnuaia pindan ruakah chuan mutna chu ka siam ve ta a, eirawng bawl pahin ka zai rat rat a, ka mobile ken a ka hla play chu thiamlo zet in ka zai pui al al a! ka thiam leh thiamloh sawisel tu awm tawh heklo le ring mangkheng in ka au vak vak a, min lo hmu se zawng mi â te pawh min tih hial ka ring!
zanriah chu tui ti vaklo chuan ka ei hram a, vawin lam ka kalna ka chau deuh bawk a, mut mai chu tha in ka hria a, mu tura in ring tawh zun zunga pawn ka va chhuak chu ka piah deuh mai thim zingah chuan enge maw min melh ran tu hi awm tlat in ka hria a, ka ngaihtuahna nge ni anga? atak zawk ni ang?
zawi muangin ka back lut a! kawngka bul maia ka silai tun chu dapin ka lakang nghal a , thim lai deuh bik thla engin a chhun phaklohna chu ka tin ta ran mai! ka hmet per dawn nge? ka nghak dawn zawk ti a ka in ngaihtuah lai chuan thil dum lian lemlo tak hi thim zing atang chuan a rawn chhuak zal zal a, thlam mawng lamah chuan a pil zui nghal mai bawk a! ka hlau hman hle! enge anih erawh a hnu thleng pawh khan ka hre chhuak theilo, kawngka, tukverh te a kalh theih ang ang ka kalh zawh chuan mut zai ka rel ve ta a......
Thla chu a eng no nghalh mai ka chemte chu lukham hnuaia dah chungin ka muhil ta siai siai a, ka mutui thawkhat hle a ni ang ni pawh a lo tlangsang duai tawh, ka hahdam sawng sawng mai, nizan lam ka mutui bawk a, ka lawm hle. pawn lam panin ka han chhuak a! mahse uai hei chuh! ni zan khan ka kalh chiang si a! engtia lo in hawng nge mawni le? kawngka pui chu ka hawn ni hauhlo in alo in hawng a! mak ka ti ngei mai.
kawngkhar hlui lam tawh te ani bawka tiin ngaihtha tak chuan ka kalsan leh mai a, nitin hna ka thawk haw ka chauh theih em avangin ka awmna vel pawh ka thlithlai hman meuh thin lo, zan riah ka ei kham chuan ka muhil nghal deuh chu a ni mai zel a, a maherawh chu ka kawngka kalh thlap zantin maia lo in hawng ta fo mai chuan ka rilru a ti nuamlo hle mai, chhun lamah ka riffle chu chei tha in chan chhuah ngei chu ka tum ruh ta hle a, mahse engtin nge ni ang?
ka sathau khawnvar eng fiahlo tak atang chuan kah fuh theih ka in beisei lo hle, ka torch light lah tuia ka thlauh avangin a thi hmiah leh nghal a, ka buai ru hle, thimthamah pawh chan tho chu ka rilruk ta tho a, khua chu a tlai zel a, ka channa tur ka thlan fel zawh chuan ka lo chang ta ran mai. kalo chhing sek a, thawm rirak ah chuan ka harh ta, ka channa hi ka khum ani a, kawngka lan theihna awm chhun a nih avangin fuh ber dawnin ka hria a, he in a lo awm thinte mikhual room ni mai tur hi ani nghe nghe.
ka awmna piahlawk fit 70 velah in 1 ram tawh chu a ding ve bawk a, thliin a chhem zawng in a ri leh tuarh thin a, chu thawm chu emaw tih nak alaiin a ni hauhlo mai! kawngka lam ka han en nak chuan mihring ruangam ni awmtak sathau khawnvar eng fiah vaklo karah chuan ka va hmu a, ka silai chu hmehper mai ka in peih at tawh, misual mi rawktum ni ngeiin ka hria a, choka velah chuan a vei tawn sek a, ka lam chu a rawn pan ta ani.
ka thil hmuh chuan min rap ngei mai, ka hmulthi a ding nghal sung sung a, puana in khuh lum ti em em kha vawt in min man a, ka khur ka khur ta mai,ka mitah tak min rawn en siah mai chu leh! a hmel lah chu khawnvar hnuaiah chuan a dum vek , a sam var vo mai leh a mit hring deuh ralh chuan min tihlau ngei mai ka silai hmeh per chu sawiloh ka che thei der lo, chutah rapawm zet hian min melh leh a, chutah zet zawng pachang a awm theih tawhloh, ka silai chu ka delh puak thuai a, ka bek vei lamah a mu a thawi deuh fua a,beng a kiu rum rum a, a ni erawh a rawn nui sen sen a, a ral ta riai riai mai a!
ka thiltawn chu mumang ram nise ka ti rum rum mai, kawngka in hawng reng chu ngam leh ngamloin ka va khar thei hram a! ka ngaihtuah zawng ringawt pawhin ka tim uaih uaih thei hial, ka puan chuan ka inlukhup thuai a, puan hnuaiah thlan fim nen khua ka nghak var ta thak a!
He lai thleng thleng chuan min lo zui em ni ang? enge a duh a? engvanga min zui nge tih erawh ka hre chak tawh lemlo! ngaihtuah zui pawh chu duhlo teh mah ila, ka rilru ah chuan a awm reng ang lawi si a! a zanleh paltlang pawh chu ka huphurh ta khawp mai! a lo kal leh angem? thim hma daihin kawngkhar chu uluk fahran hian ka khar a, ka kalhna pawh thinga tawn betin ka thlung hmiah a, mahse awmzia a nei teh chiamlo, angai te bawkin zanlai velah chuan thawm ka hre leh a, ka dakchhuak ngam tawhlo, ka puan ka in lukhupna chu ka pawt nghet sauh sauh a, reilo te ah ka lukham chu a rawn hniam deuh a, tawng nawk nawk thawmin a zui nghal a, chutiang a tawng nawk nawk thawm awm turin tumah ka awmna hnaihah an awmlo tih ka chiang si!!
ka lukham chu a kang deuh awk a, chhuatah chuan vei tawn sek tih hriat takin ke penri chu a in dawt zat mai, he nu thita a ruang pawh an hmuh zawh takloh hian engvanga kei berkher min rawn ti buai chu nge maw a nih hrep le!!
ka puan chu ka pawt nghet sauh sauh a,awmzia erawh a nei thui hran lo, ka hnung chu a rawn vawt deuh ngiak a, ka phu chiang ngang mai, chu kut vawt tak lumna reng nei lo chuan ka hnungah minlo zut chu niin ka tho thut a ka silai ka chuh vat a, a rem lai lai ah chuan ka ri nghal pawp pawp a, a reh ve leh mai bawk. chutiang chuan zan 3 ngawt kan in tih buai hnu chuan a reh zui ta vang vang a!
MIDANG BAWK MAW!
Zankhat chu tui taka ka mulai chu,chhuat laiah ka hlawmthla tawp mai a, min pawt tu tak hmuh theih siloh chuan khuma ka awm lai chu chiangtak hian min pawt thla nawlh mai, kil khat a lo ding reng tui tla ni awm taka ding dir tlawk tlawk chu ka mit sir chuan a hmuh hmaih hauhlo, thing tlu ruah ruah riin azui a, a ri noh noh a, chiau vawng vawng thawm te, natuar ni awm tak thawm te, min chhan rawh ti a au lauh lauh te chu a ri ta nawk nawk mai, ka silai pawh a awmna ah a awm hauhlo tih ka va hmu a,a kil thim laia ding tlat chu ka rap ber mai chu ani.
ka ding khur dar dar a, chhuatah chuan ka let tawp a, ka harh leh meuh chuan khua alo var der tawh, ni zan lama ka thiltawn chu a tak a ni em tiin ka han en leh kher a, pindan kil chu a lo hnawm chuap a,chutah zet zawng ngaih tuah buai angai talo eng mah sawilo in ka mutbu ka tel a, ka haw ta vang vang mai ani.
ka blog min share sak ve dawnnia , enjoy.
0 Comments
I ngaihdan han thawh ve teh le!