RESERVE BANK OF INDIA SURPLUS FUND HI ENG NGE A NIH

August 26, 2019, Thawhțanni khan RBI Expert Committee Bimal Jalan Committee chuan  RBI surplus fund sum tam tham tak Sorkar laipui sum bawma chhun luh a rawt angin board chuan chhun luh rem a ti a.

Hemi chungchang hi India ram polical party hrang hrang zingah leh mithiam zingah ngaihdan a inang lo nasa hle hlawm. Hetianga RBI surplus sum Sorkar laipuia chhun luh hi Rahul Gandhi chuan "inrawkna a ni" ti hialin Central Sorkar chu RBI surplus fund it lutukah a puh laiin Economist țhenkhat thung erawh chuan ram pum sum leh pai dinhmun hniam lai taka hetianga tih anih loh te chuan an ti ve thung.

RBI BALANCE SHEET : Reserve Bank of India hi India Sorkar aiawha ram sum leh pai siamtu leh enkawltu "Central Bank" dinhmun luahin ram aiawha tangka note siam leh chu lam hawia ațul anga ram chhung leh ram pawna sumdawnna kalpui tura din a ni. Public sector bank te hnenah sum a pung awmin a puk tir a, he sum a puktirna  interest a san leh hniam a zir zela mipuite tan Commercial bank te "loan interest"  hi innghat a nia. 

Kum 2017-18 a Reserve Bank of India balance sheet in a tarlan dan chuan a sum leh thil neih hlut zawng hi Rs. 36.2 lakh crore a ni a, heng zinga 26% chu "Reserve Fund" a ni. Hei hi India Sorkar leh ram ram pawn lamah a pung neia peipun atan hman țhin a ni.

Reserve Bank of India (RBI) hian rangkachak (gold) hi 566 metric tonne lai a ni a, chu chu a thil neih hlutna forex assets ațanga tehin 77% lai a tling.

Finance Ministry lam leh RBI hi reserve fund chungchangah hian an thu inhmuh loh chang a awm fo tawh țhin.

RESERVE HI ENGTIA LO AWM NGE : Hei hi zawhna pawimawh leh mi naran tan hriat thiam har tak si leh pawimawh tak ni si a ni.

The Current & Gold Revaluation Account (CGRA) a ni a, hei hian a thawh hlawk ber a, 2017- 18 ah khan Rs. 6.9 lakh crore a ni a, rangkachak leh foreign currency Govt of India aiawha a kawl leh a hralh chhuah ațangin a ni.  CGRA hi 30.5% in a hlutna a pung chho a, a chhan pawh US dollar laka Indian currency tla hniam leh rangkachak hlutna san chhoh zel vang a ni.

EMERGENCY FUND : The Contingency Fund (CF) hi Reserve Bank of India monetary policy chungchangah thil beisei lawk loh lo thleng țhin, ram dang pawisa hlutna danglamin a nghawng avangte leh ațul huna dah hran a ni. Contingency Fund hi 2017-18 balance sheet in a tarlan dan chuan Rs. 2.3 lakh crore or 6.4% a tling a, Current & Gold Revaluation Account leh Contingency Fund hian RBI surplus fund pumpui 26% a ni.

SURPLUS FUND CHU : Reserve Bank of India surplus fund chu income tax pek ve ngai lo, RBI financial statement in a sawi Central Sorkar a chhun luh hi a ni. Reserve Bank of India income chu  Govt security hrang hrang ațanga a pung (interest) lut pawh a tel bawk. Surplus fund  ațang hian kum 2017-18 chhung khan Contingency fund atan Rs. 14,200 crore dah hran a  ni.

Contingency Fund atan dah luh atam leh Surplus Fund lam a tlem thung. Kum 2013-14 ațanga kum thum chhung chu kum zawnin  Contingency Fund atan sum dah hran a ni lo a, kum hnih kal ta ațang khan dah a ni leh taa, dah loh chhung hi a rei mah maha hriat a ni.

Contingency Fund a sum chhun luh tur zat bituktu expert committee pawh a zat chungchangah hian an lungrual thei lo fo a, inhnialna a chawk chhuak fo thin.

WHAT HAS BEEN DONE NOW : Reserve Bank of India Surplus Fund a tamna chhan hi nikum lamah market - forex leh dollar hlep țha taka hralh vang leh bond leina (market operation) ațanga pung țha tak a hlawh chhuah vang a ni.

Expert Committee, Bimal Jalan kaih hruaiin a rawtna anga Economics Capital Framework for Reserve Bank of India Commercial Bank ten sum an kawl theih ang zul zuia chhutin Reserve Bank of India hian eng ang harsatna pawh se thlaphan lohna tur ang kawl tângin, chumi bak surplus a dah theiha ngaih Rs. 52,627 "Surplus Fund" a chhiarin Sorkarah a chhung lut ta a ni.

FINANCIAL YEAR : Reserve Bank of India hian Sorkar financial year zui lovin, annual Financial year atan June - July a hmang.

Source : Economics Times August 27, 2019 Share and subcribes enjoy.