VAI CHU HNAM DANG SAP CHU FOREIGNER!

India rama hnam inpumkhatna lam hawi National Integration Programme ah chuan kan inti Indian viau a, Mizona ang chuan kan thikthu a chhe leh em em lawi a... En ho teh ang.

VAI KAWP - Ngaihzawnga vai kawp ching kan awm a, vai thami deuh pawh kawp se, ngaihdan kan siam a, thenkhat chu an nupui te hmingin an sumdawng a, a hlawkna chu vairamah an thawn liam a, an nupuite chu hmanrua mai an ni. YMA Branch/Section thenkhat chuan vaite chu Mizo nupuiah nei pawh nise an huam chhunga khawsak an phal lo. Kan taksa Indian mahse kan rilru hi a Indian thei tak tak lova, Western leh khitah Korea lam kan hawi daih. Hei vang hian keini aia changkang vai mah nise kan rilru hian a dah hniam ve tawp niin a lang a, a hmei a pa vai kawp leh nei duh khawp chu ngaihdan kan nei mai thin. 

SAP KAWP - Hnamdang ve tho si sap kawp thei chin chu kan ngaisang leh hle lawi a, an hmelhriat nih nuam kan ti a, insawi theih nan tak kan hmang a, an inneihnaa kal te chu in tih theih nan kan hmang a, kan dah sang a ni. Hnamdang a nei chuti khati kan ti kawisawi lova, kan mikhual a, YMA a lang tawh lova, ILP a lang pha tawh hek lo. Australian a nia, US mi a nia, Canadian a nia kan ti a, mi hriat loh mawlh kan hlau leh si. Hnamdang an nih lohna a awm der si lo. Kan fate chi thlah nan kan phal a, kan uikawm lohna lam tak a ni. Uddin, Laskar etc ai chuan an Hnamdang dan hi a changkang a ni mahna. Mizona chu kan thlûk tha peih tlat tawh lova, sap ve mai duhna kan nei rumr rum hial zawk ta ve ang!!

FIMKHUR ANG U - Tun hnaiah kan Mizo nula hnamdang lakah a tualthi a, a ngaihzawng ngei niin an sawi. A pawi ngawt mai. Kan bu zâwlah ngei a nih loh hi chuan khual khuaa hnam dang kawp hi a fel lo hle. Hetiang tawn theihna a ni. Hna hrang hrang thawk turin Manipur atangtein an lo lut a, Bright hmel tak te an ni hlawm thin. Nupuiah Mizo an nei a, chhan pawh hriat loh a nupui fanau tlanbo san, biak zui tur pawh awm tawh lo ka hre nual mai. Kan bu zawlah pawh hian a him tawk lo. 

Social Media ah kan nula thenkhat phai leh Foreign thlenga inhlawhfa te thlalak leh Post tuitang lo tak tak hmuh a ni ta fo mai. Mizo mipa ngaihnepna te a ni hlawm. Heng ho hian hria se ka duh. An thih hma chu eng anga changkang leh hausa, Negro hmelchhe palian pawh kawp se mizo niin an thi ve dawn tih hi!! Mahni hnam leh hnampuite changkan san leh hmuhsit chingte hi tu ngaihsan an hlawh bik lo duh khawp mai.. Hna ropui tak chelh pawh ni lo, kawp fuh avangtea kan tlangvalte deusawh duh mai thin te hian Min Billionaire san ang tihte hi hlauhawm tak a ni. An Over dawn e mai!!

TINGE PUTAR KHER KHER - Vai pasala neite hi chuan an kum phu tawkte an nei ve tlangpui thin a, tinge sap nei ta cheng a PUTAR kher kher kan neih sup sup mai ni. Kan nula sap neita zingah hian 70% dawn hi chu putar nei an ni hialin ka ring. Sap thalai ten an duh ve tak tak lo nge, nupui sun tawh, nupui la duh ve si, kum 60 chuang tawh ho hian an rokhawm tur atana duh tak tak pawh nilo min rawn thing mai mai zawk em ni? Kum 65 mi leh Mizo nula kum 20-30 bawr an han innei mauh maite hi a sap ngaihsan thlak a, an chhungkaw thutak hlatakah an telh ve hi ka ring thei lo!! Sap in nei duh a nih pawhin in kum milpui deuh zawng ve teh u. Putar kawihphar mai mai kan tam ta e mai.

Mizona atangin vai hi hnamdang an ni a, sap erawh chu HNAMDANG tho an ni!!

FORWARD = David Sailo