Wang Xi(80), Raj Bahadur ti a hriat lar hi Chinese Army ah Surveyor hnathawk a ni a, kum 1963 khan man niin India ram Jail ah kum 7 tân tir a ni a, March 1969 khan chhuah niin Balaghat(Madhya Pradesh) ah a khawsa zui ta a ni.
He hmunah hian vai nupuiah neiin fanu pakhat leh fapa pahnih, Asha, Anita leh Vishnu Wang bakah a tute nen Tirodi khua, Balaghat ah hian an khawsa a, a mah hi Xianyang khua, Shaanxi Province khaw mi niin Beijing atanga km 1200 a awm a ni.
A fapa Vishnu Wang nen chauh VISA neia China a an haw chu an let hleithei ta lo a ni. April 2018 khan Indian Embassy ah kumkhat tal India a awm theihna tur VISA an dil chu an buaipui nasa hle a, an khua atanga Beijing veivahna nen cheng Nuai chuang seng tawhin thla 5 an nghah hnu ah thla 6 chhung VISA an hmu ta hram a ni.
Kum 48 teh meuh a tu leh fate nen inhmu lova an awm hnu ah kum 80 mi niin thla 6 VISA a hmu hram a, "Kum 5 tal awm theihna tur VISA min pe hram ula, a nih loh vek pawhin ka tu leh fate hi China a hruai haw min phalsak hram rawh u" tiin a au chhuak ta a ni.
