MIZORAM TANA MEL LUNG PAWIMAWH TAK TUR FARMER PENSION SCHEME. KUTHNATHAWK TU TE TAN KAWL A ENG DAWN TA E

India ram a mihring za zela sawmsarih vel te hi kuthnathawka eizawng kan ni a. Chutiang zelin keini Mizoram a mihring cheng tam zawk te pawh kuthnathawk a eizawng thin kan ni. Kan ram politics dinhmun te kan thlir chuan vote zawn na atan leh lam tanga kan siam theihna tur atan kuthnathawk tu te kan inhmangaih siak fo thin. 

Mahse, thuneihna changa thil ti thei dinhmuna kan han din leh chiah hian hmangaihna der mai a nih zia tichiang tu chu kuthnathawk tu te hamthatna tur ngaihthah a hlamchhiah an ni leh fo thin hi a ni. Kei ngei pawh kuthnathawk a eizawng thin ka ni a, kuthnathawk tu ten engtik ah nge hamthatna kan hmuh ve ang tiin tlumte thlirin nghakhlel takin kan lo thlir ve thin. 

Hun leh ni lo inher chho zel ah, tunah zet zawng Mizoram sorkar hmalakna a zarah kuthnathawk tu te tan kawl a lo eng chho tan dawn ta hi thil lawmawm tak a ni.  Mizorama kuthnathawk tu te harsatna hriatpui tlat tu, kuthnathawk tu te thian nih tling, thu mai ni lova a tak taka kuthnathawk tu te tan a hnathawh kawr ha ngam Pu C. Lalrinsanga Agriculture Minister fit tha tak kan nei hi chhuanawm tak a ni. A hmalakna avang lau liau va kuthnathawk tu te hamthatna tur, "Farmer Pension Scheme" tha tak mai September 24.2019 a a hawnna (Launching Programme) hman tur a ruahman a ni ta rup mai hi kuthnathawk tu te tan thu lawmawm avan ni teh lul em!. 

Farmer Pension Scheme kan nei dawn ta hi Mizoram tan mel lung pawimawh tak a ni dawn ta. He Farmer Pension Scheme a inziak lut thei tur loneitu kum 18 atanga kum 40 inkar ten thlatin sum chhunluh (premium) tlem te te an pe ang a, kum 60 a tlin hnuah thlatin pension a dawng ve thei tawh dawn a ni.Tin, Crop Insurance scheme pawh kalpui tura ruahmanna siam mek a la ni leh ta zel te hi kawl a ni chhuak chhiara nitin kuthnathawk a eizawng mek te tan vanneihna leh nihlawhna lawmawm tak a van ni dawn teh lul em!.

 Hei lo liam a kuthnathawk tu te tana thu lawmawm dang hriat tur a awm chuang lo!. Keini kuthnathawk a eizawng mek ten min hmangaihtu tak tak sorkar kan nei ta hi Mizoram sorkar leh a bik takin Pu C. Lalrinsanga Agriculture Minister te chawimawina nopui thinlung takin kan hlan mawlh mawlh a che u.

......mangaia khawlhring.

Blog share and subcribes enjoy.