SEPTEMBER 13, 2019 : Nurse pakhat chuan Idaho, South Africa ramah sa pelin savawm, chinghnia leh sazuk a kah lai video leh thlalakte Instagram-ah tarlangin hawtu a ngah hle maia, a thente phei chuan pawngsualah te an vau hial a ni.
He nu hian a ramsa thatte chu media lamah pholangin mite thin a tirim hle a, a fanu pawh kum 1 mi lek pawh pawngsuala thahah an vau nghe nghe.
Kate Small tia koh hian savawm, sazuk leh chinghniate chu a chenna in chhehvel Boise hmunah a kapa, hei mai bakah hian khawvel hmun dang, South Africa thlengin sa a pel thin tih a video leh thlalak a tarlan atang hian a hriat theih mai awm e.
He Nurse, kum 29 a upa hian a sa kahte chu trophy ang hrimin an lu leh taksa thi kai hnuangte chu Instagram lamah a post zui ta bawk. Small hi ram lama chetla thang tih takah a kar tela ram vah a ching thin hle maia, he a thil tih hi fans ngah nan tak hmangin 27000 lai mai followers a neih phah nghe nghe a ni.
Small ramsa kah zingah hian savawm dum chu a lian ber pawl niin 6ft. leh 350lb zeta rit pawh a tel. Hei pawh hi a Instagram account lamah uploadin mite sawiselna leh tawngkam mawilo a dawng nasa hle.
Heng a ramsa pel zingah hian chinghnia hi pel a harsa ber pawl ani tih a sawia, achhan chu he ramsa hi a hriatna a chah em avang leh nikhata an kal chak zawng hi a thui thei bawk sia kah fuh an harsa em em a ni tih a sawi.
He a social media post avang hian vawi sang chuang thah a vautu leh a fanu leh a ui thlenga thah an chakzia leh mi an diriamna tawngkam a tawk nual tih a sawi a ni.
A sawidanin mi thenkhat tawngkam chu a na hle maia hmelma lianberte chungah pawh kan tih duh lemloh turte pawh an sawi chhuak nual a ti nghe nghe.
He nu hian ramsate kah a awlsam bikna chhan pakhat chu camera kamin ni eng emaw zat chhung an chet dan a lo zir hmasa thin tih an sawi a ni.
Share and subcribes enjoy.
Share and subcribes enjoy.
On 09 september 2024, at 03:26, Anonymous commented on 
0 Comments
I ngaihdan han thawh ve teh le!