HNATHAWH NASAT LUTUK HI A THA EM?

HNATHAWH NASAT LUTUK HI A THA EM?

February 4,2019:Mi thenkhat chu hnathawh atchilh bur mai chi an awm a. Taihmak vang emaw, hlawk duh vang emaw te pawh a ni thei ang. 

Hnathawh nasat chungchangah chuan Japan mite khi sawi kai ber pawl an ni awm e. Burma mi, USA leh Europe vela inhlawhfa thenkhat, thahnemngai lutuk a an thawh hunchhung tur pangngai baka rei tak tak thawk zui thin overtime workers tam tak an awm thin bawk. Mahse, heng ho thahnemngaihna hian thil tha a thlen nge thlen lo tih hi inhnial theih tak a ni mai thei.

Tunhnai deuh atang khan Company tenau deuh thenkhat chuan an hnuaia thawkte rim lutuk a chhawr hi hlawk lo zawkin an hria a, chawlhkar khat chhunga an thawh hun te an tihtawi sak hlawm thin. Chungho tawnhriat atang chuan company lian, Microsoft pawhin tun nipui lai khan an enchhin ve ta a, zawngchhang thlak dawn hle in an hre tlat mai.

Sawi tawh angin, Japan mite khi an thawkrim hle a. Chu chuan thatna pawh a ngah hle a ni ngei ang, an ram economy pawhin a thatphah viau a sawi a ni thin. Mahse, thil eng pawh, a lutuk chu a thalo vek, an tih thin ang deuhvin, an thawk nasa lutuk khian harsatna a siam fo thin.

Hetoang thil a 2015 a thil thleng khan khawvel ramdang a ti phawklek hle a. Chumi kum chuan, overtime a thawk nasa lutuk thin pakhat, advertising company, Dentsu a thawk chu a thawh nasat lutuk avanga hah rimtawngin, Krismas niin a intihlum a. A hnu 2017 khan reporter nu pakhat, thlakhat chhung ngawt pawha overtime darkar 159 zet thawk chu, hah rimtawng avangin a thi bawk a. An ni pahnih bakah midang tam tak sawi tur an awm bawk. Hetiang ang chi hi a tam lutuk avangin tawng thar, Karoshi tih a pian phah a. Chu chu hah rimtawng, etc avanga thi tihna a ni.


Kumin August thla khan Microsoft chuan, enchhin nan, an hnuaia thawkte chu karkhatah ni li chauh an thawh tir a, zirtawpni chu an chawlhtir hlawm. Chutianga an thawh chuan, nikum chumi thla a an thawhchhuah atanga chhut chuan 40% zetin an thawkchhuak/hralh tam zawk tlat zu nia. Chubakah, zirtawpni an chawlhtir avangin electric bill nasa takin an chawitlem phah bawk. Microsoft hnuaia thawk, mi 2280 zinga 90% zet te chuan, an thawhdan chu that phah hle in an hria a ni.

Hetiang hi a nih avangin, hah lutuk lova thawh hi a hlawk thlak zawk viau niin an hre hlawm a. Company thenkhat chuan hnathawh ni an tihtlem bakah, meetings te pawh minutes 30 aia reilo nei thin turin an hnathawkte an ti hial a ni. Zirtawpni a an thawh chang pawhin, haw hma turin an rawn hlawm a. Chubakah, email an buaipui hun te pawh ti tlem turin an hrilh bawk. Hetiang hi thil awmdan nia an hriat avangin, company te ho chauh nilo, a lian ho pawhin zawngchhang thlak viau dawnin an hria.

Post a Comment

0 Comments