NOVEMBER 4, 2019 : A hun chiah lo na a! No panty day pual deuh siin dahthat ve a tan ka duh hrim hrim bawk nen ka hnawh lut ve leh rawih mai teh ang. Hriselna lamah hian thil mak deuh deuh awih awmloh deuh deuh, a taka belh chiana ni ngei thung si tam tak a awm awm e, chung zinga i hriat lemloh pakhat kan zep teh ang.
Kekawrte ha lova han awm mai chu a bikin keini Mizote chuan nuam lo tihna riau kan nei thin. Mahse, kekawr ha lova kan awm hian hrisela atan a thatna a tam hle a ni.
Hei vang hian International No Panty Day chu June ni 22, 2012 atang khan hman tan a ni. An tumber leh an duhber chu zalen leh engthawl taka hun hman a ni awm e.
Hemi ni hian hmeichhia chauh ni lo mipate pawh a tel vek theih a ni. Hmana an lo tihdan thin chu tlema thlahdul hretin hemi ni hian zalen takin awm an tum theuh bawk.
Kekawrte hak loh thatna a hnuai lamah hian tlem i han tarlang dawn teh ang.
1. Boruak lut leh chhuak a tha: Kekawrte hak thatlohna pakhat kelawrte kan hak hian boruak lut leh chhuak a dan vang a ni. VSPOT Spa a Dr. Carolyn Delucia sawi danin “Kekawrte kan hakin a pawimawhber chu thli lut leh chhuak a tha tawk tur a ni” tiin a sawi. Tin kan thil hakte pawh a tawt lutuk tur a ni lova puanthan pangai ni lo nylon lam phei chu kan ha tur a ni lo bawk. A chang chuan kekawrte ha lova kan awm zeuh zeuh a tha hle.
2. Zan lamah i thlan chhuak tur ven nan Kekawrte phelhin mu ang che: Chhunah kekawrte kan ha a kan thlan a chhuak nasa thin hle. Kan thlantui chhuak thin hi kan taksa tan a tha lo thei bawk. Chuvangin kan thlan chhuak tur ven nan zanlamah kekawrte ha lova mut hi duhthusam a ni. Kekawrte hak laia thlan chhuak thin hian serhah bacteria a ti pung thei a hriselna atan a pawi thei hle.
3. Bacteria pung tur vengtu a ni: Kekawrte ha lova awm thei lote chuan hei hi hriat a tha hle mai. Kekawrte kan hak reng hian bacteria a tipung hluai theia serh tan natna a thlen thei a ni. VSPOT Spa dintu Cindy Barshop pawhin he thil hi a dik ngei a ni tih a sawi bawk.
Chuvangin kekawrte ha lova i awm thei a nih phawt chuan hei ai a tha a awm lo.
SOURCE - AK 47
Ka blog min share sak la, minlo subcribes ve hram dawnnia, enjoy.
0 Comments
I ngaihdan han thawh ve teh le!