Covid-19 vanga Mi Hausa Tawntawte Hloh

Coronavirus hri leng vanga khawvel a buai em em lai hian khawvel economy innghahna ber sumdawnna peng hrang hrang pawh a buai chho ve nghal a. Hun rei lo te chhung hian sumdawng lian, mi hausa tawntaw engemaw zatin sum maktaduai tam tak an hloh hman tawh. Forbes, CNBC, Financial Express, Economic Times, Business Today ten an tarlan atanga Covid-19 hripui vanga sum hloh tam mi hausa tawntaw 15 te han tarlang ila :

1. Mukesh Ambani

India mi hausa tawntaw Mukesh Ambani chuan Covid-19 hripui len tirh atang khan US Dollar tluklehdingawn 5.8 ($5.8 billion) a hloh tawh a. March chawlhkar hnihnaah khan a hausakna US Dollar 41.8 ($41.8 billion) ah a tla thla a ni.

2. Azim Premji

IT lama sumdawng hausa tawntaw Ajim Premji’s hausakna pawh Dollar maktaduai 869 ($869 million) ah a tla thla.

3. Kumar Mangalam Birla

Aditya Birla, Group Chairman Kumar Mangalam Birla pawhin Dollar maktaduai 884 ($884 million) a hloh der tawh.

4. Gautam Adani

Industrialist Gautam Adani pawh hi thla hnih chhung lekin a hma aiin Dollar maktaduai 496 ($496 million) in a rethei ta sawt.

5. Radhakishan Damani

DMart dintu pa pawh hi a hausakna Dollar tluklehdingawn 4.2 ($4.2 billion) zetin a kiam. Hmanni lawk 17 February 2020 kha chuan Damani hausakna hi Dollar tluklehdingawn 17.4 ($17.4 billion) zet tling tura chhut a ni. Mahse, hripui a leng nasa zel  19 March a lo thlen chuan Damani hausakna a lo tlahniam rawih hman a ni 

6. Jeff Bezos

E-commerce lama langsar Amazon hotupa Jeff Bezos pawhin tun hnai ni rei lo te chhungin Dollar tluklehdingawn 7  ($7 billion) zet a chan hman a, thla hmasa mai pawh khan Dollar tluklehdingawn 18 aia tam a hloh tawh bawk.

7. Elon Musk

Tesla dintu leh CEO ni mek Elon Musk, hian 'coronavirus panic is dumb', tiin a tweet a. Covid-19 vang hian zan hnih khat thil thuah Dollar tluklehdingawn 4 ($4 billion)zet a hloh a, he hripui avanga a sum hloh tawh zawng zawng hi Dollar tluklehdingawn 12 chuang fe a tling tawh.    

8. Jack Ma

Alibaba dintu leh China rama hausa ber ni bawk Jack Ma pawh hian Covid-19 zet chu a tuar nasa hle, February thla hnu lamah ngawt pawh Dollar 6.9 ($6.9 billion) 

9. Warren Buffett

American sumdawng hausa, sum peipung thiam, tanpuia pe chhuak nasa tak mai Berkshire Hathaway chairman leh CEO ni bawk Warren Buffett pawh hian Covid-19 zet chu sum a hloh phah nasa hle, a hausakna Dollar tluklehdingawn 5.4 ($5.4 billion) zetin a kiam.

10. Bernard Arnault

Paris khawpuia LVMH CEO Bernard Arnault hausakna pawh hi Dollar tluklehdingawn 6 ($6 billion) zetin a tlahniam a, chu chu a sum leh pai 6% lai a tling. Arnault sum leh pai neih hi corona len hma hian Dollar tluklehdingawn 98.6 ($98.6) zet a ni a, tunah chuan Dollar tluklehdingawn 92.6 ($92.6 billion) ah a tlahniam tawh.

11. Carlos Slim

Mexico a telecom lam sumdawng hausa tawntaw, mi dangte tanpuina atana inhmang nasa tak mai Carlos Slim pawh hian Dollar tluklehdingawn 5 ($5 billion) dawn lai mai a hloh tawh a, chu chu a hausakna atanga 8% vel a ni a, tunah hian a hausakna belhkhawm hi Dollar tluklehdingawn 56.4 ($56.4 billion) ni a chhut a ni bawk.

12. Amancio Ortega

Zara-parent Inditex dintu leh chairman lo ni tawh Amancio Ortega pawh hian Covid-19 chu a tuar khawp mai, he hripui len hnu hian Dollar tluklehdingawn 4 ($4 billion) zet a hloh tawh a, tunah hian a hausakna Dollar tluklehdingawn 67.5 ($67.5 billion) vel a ni ta chauh a ni. 

13. Mark Zuckerberg

Facebook bul tantu leh a neitu, CEO ni mek Mark Zuckerberg pawh hian coronavirus hripui leng avang hian Dollar tluklehdingawn 4.2 ($4.2 billion) zet a chan der tawh. 

14. Larry Page

Google dintu pakhat zawk Larry Page pawhin Dollar tluklehdingawn 3.3 ($3.3 billion) vel he hripui len tirh atang khan a hloh tawh. 

15. Sergey Brin

Google dintu pakhat zawk (Larry Page ni lo zawk) tech genius ni bawk Sergey Brin pawhin a Dollar tluklehdingawn 3.1 ($3.1 billion) a chan tawh bawk.

Blog hi min lo share sak la, minlo subscribe sak ve dawnnia. Enjoy blogging. 

Note - blog chhunga thu awm te hi a source (lakna) tello chuan khawiah mah lak chhuah phal a nilo.