Sunday Apr 26, 2020 : Covid-19 natna vanga thi an tam tawh hlea chutih lai chuan natna vei pawh ni lo, rilru hahna avanga mahni nunna la pawh an awm nual tawh a ni. Heng zawng zawng Covid-19 vanga thil thleng vek a ni. Khawvel ram zawng zawng tih theih khawpin lockdown na kalpui a ni a, Thailand ram hian lockdown an zo lo tih theih tur khawpin rilru hah an tam hlea mahni nunna la ta mai sawi tur an awm nual bawk.
Thailand rama Rayong, Pluadden khua a khawsa Mr. Suphakit kum 34 chuan a nupui kum 31 Phanida chu a nghawngah a reka a thi zui nghal. A pasal pawh chu a nupui thih atanga minute rei lovah a in ti hlum ve nghal a ni. April 22 zan khan an chhungte chuan an nupa phone ah ve ve an call a, phone an chelh miah loh avangin an ngaih a tha ta lova a tuk April 23 ah an in ah an va kal ta a. An nupa chuan an lo thi tawh. Police te chuan misual thah an ni thei ang em tih an zirchiang nghala an in chu chhung lam atangin an lock veka kawngkhar pawh an tichhia.
Misual thah a ni thei lo hrim hrim. A nupui muhil lai chu hruiin a nghawngah a rek hluma tichuan, midangin silai puak ri hre thei lo turin lukham a dama a lu ah a inkap ve a ni. A nupui u sawidanin an nupa hian Electronic company a hnathawk an ni a, an hlawh a lo tha bik vak lo nen an pawsa neih chhun chu thla 1 hnuah an hmang zoa a pasal chuan pawisa an neih tawh loh thu leh pawisa puk an duh thu pawh min rawn hrilh. Mahse, keini pawh an mahni ang thoa harsa kan ni a, han puk mai tur kan nei bik si lo. Ka tawngkam thiam dan angin ka hnem ringawt. Hetiang thil em chu a thlen ka ring lo a sin tiin a sawi.
Zo news
Blog update a khat ta deuh a, min lo hrethiam a ni ang chu... Duh tawk leh phawt i la, thuthar leh beng var thlak tak tak i hriat zel duh chuan Blog min share sak la min lo subcribes ve rawh le. Enjoy.
On 09 september 2024, at 03:26, Anonymous commented on 
 ){kind=link}
0 Comments
I ngaihdan han thawh ve teh le!