ROBOT I NI EM?????

Hacker ho vangin hei hi kan hmu thin a, tlemin sawi thui deuh hlek a ngai dawn a, in hack leh internet kalphung inzirtirna a ni nghal a ni mai 

Hacker ho hian website te game server (pubg, ML) tih hi an hack dawn chuan robot an siam chawp teuh a, chu chu website a thil kan chhiar ang chiah hian an va lut ve, an tam lutuk avangin website khan a zo lo a, a buai phah ta vak thin a, website a chhiat phah hial thin bawk a, password zawng zawng chutih lai chuan an ru chhuak thin a ni. 

Kei ni ho hi a tam ber 98% vel hi mobile atanga lut kan ni a, service provider hian an sim hmangtute hi ip in ang min pe thup a, airtel hmang zo zawng zawng chu kan ip a in ang thup a, jio, voda etc.. sim in ang hmang ho chu kan ip a in ang ta thup a, chu chu website ah kan han luh rual thup thup khan hacker ho siam chawp bot emaw min lo ti ta thin a (hacker ho bot siam chawp hian ip in ang an hmang thup thup tlangpui) chuvang chuan mihring nge i nih robot tih hriat nan in verify turin min ti ta thin a ni, robot siam chawp ho hian check box laia click kha an ti thei lo tlangpui a, image hrang hrang click tur phei kha chu an ti thei lo. Chutianga in verify tur a mintih kan in verify theih loh chuan robot, hacker ho rawn tirh emaw tiin website kha min dang tlat a, luh luih kan tum sek phei chuan website atangin min block ta hmak thin a ni.

Hetiang hi tunlai website lian leh changkang ho ah chuan an dah deuh vek tawh a, keini website ah pawh hian min dah luih sak tlat a, vawi tam tak min off sak mai tur a ka ngen pawhin kan himna tur a nih avangin min phelhsak duh tlat lo mai a, thinrimin kan inhauh phah fo mai. Tun hnai lawka kan website a chhiat/muan em em lai khan kan zawmpui website dang hetianga hacker ho hin an lo hack sak vang a ni a, kan website leina te hian security an ngai pawimawh thar lutuk a, tunah rih chuan min phelhsak lawk an tum loh hmel em em lehnghal. In tan harsatna a thlen nasa tih ka hria a, chuvang chuan hmundangah insawn mai tur em ni ang tih te pawh ka ngaihtuah mek, sum sen leh teuh a ngai dawn bawk si a, rilru chu a buai khawp mai.  

SOLUTION: Robot i ni emtih min zawh chhen na chhan chu kan lo hre ta a, khitianga min zawh nawn sek loh nan IP dang hman daihin a tih reh theih. IP dang hman theihna turin mobile app miin an siam a, chu chu a hmingah VPN an ti a, story kan chhiar hmain chu chu on phawt ila, sap ram khawi maw lai daih kha select ila, chuti chuan tuna kan buaina hi chu kan pumpelh theih ang. A awmzia berah chuan midang IP ang ni lo kha kan nei bik dawn tihna a ni. Kan off rualin ka mobile IP dik takah a let zel ang. Vawi khat hman zel a nih chu. 

VPN pawh hi sawi thui leh lawk ang, website thenkhat india ram atanga luh phal lohna website ah pawh he vpn hmang hian a luh theih vek, porn site a lut thin ten an hmang nasa a, tin, China ramah khian an sorkar in youtube leh website tam takah luh a phal lo a, chuvang chuan china ram chhung atanga youtube tih vel en duh ho in vpn hmang hian ram dang atanga lut ang in ramdang IP hmangin an en thin.

Thuthar bengvar thlak dang i hriat zung zung duh chuan blog hi share la min lo subcribes ve rawh le enjoy.