KIM JONG UN A THI. (EM NI ?

April 26, 2020 | 02:50 IST : Social media lamah North Korea hotupa Kim Jong Un thih chungchang Inrinni zan tlai tawh takah a darh leh ta tlat mai. China Sorkar thawhpui TV channel hotu pakhatin Social media Weibo-ah he thu hi a sawi.

Hong Kong Satellite Television, Vice director Qing Feng-i chuan a Weibo account ah sawiin a thu hriatna pawh top level source nia sawiin North Korean hruaitu chu a thi (North Korean leader had died) tiin a ziak. 

Hetih lai hian, North Korea Central News Agency, an Sorkar news agency leh North Korea state media lam chuan engmah an sawi lo thung. 

Kim Jong Un hi mipui vantlang hmuh turin tun hnai hian a inlar lo hle a, hei hian a hriselna lam țhat loh chungchangah rinhlelhna a tizual hle a. April 15, a pu Kim Il Sung pian champha lawmna North Korea ram ni pawimawh a tel ngei ngei a turah a tel lo. 

International media tam tak report ten an sawi dan chuan kum 36 mi North Korea hotupa hi a lung zai a ni a, hemi ațang hian dam lam a pan tih a ni a. Reuters sawi danin China hian Kim Jong Un hriselna chungchang buaipui turin medical experts team North Korea ah hian Ningani khan a tir lut tawh a. Hetih lai hian, Japanese weekly magazine - Shukan Gendai chuan North Korea hotupa hi tun thla bul lama a lûng zai ațang khan ni khaw hre loin a awm tawh a, "thing tlu kar nun hram hram" niin a sawi.

Zirtawpni khan US President Donald Trump chuan CNN reports-in Kim Jong Un hriselna dinhmun țha lo leh hlauhthawnawm taka ding nia sawi chu "thu dik lo" leh "documents hlui" behchhan anih thu a sawi". (Donald Trump leh CNN hi an inti thei lo hle). North Korea nen hian inkungkaihna țha tak kan nei a, Kim Jong Un nen hian inkungkaihna țha tak kan nei bawk a, a țha ang tih ka beisei tlat a ni" 

MEDIA ZIAK DAN

New York Post - "North Korea dictator Kim Jong Un rumored to be death" ( 12:36 pm)

Mirror - " North Korea's Kim Jong Un 'dead' or in 'vegetative state' according to media claim ( 20:53 GMT) 

North Korea Sorkar in Kim Jong Un thih thu hi engmah nemnghehna (official confirmation) thu a la neih loh avangin a tak a nih thu hi finfiahna a la awm lo zel chu a ni e.

Source :

Business Today
April 26, 2020
@ 01:27 IST

==26==04==20==

Huna Kawlni Kawlvawm

Thuthar bengvar thlak ber ber i hriat a i en zung zung theihnan blog hi subcribes vela share ve rawh le. Enjoy.