He Ui Rinawm Tak Hian A Pu Covid-19 Avanga Wuhan Damdawi Ina Boral Chu Thla 3 Zet Damdawi In Pawn Lam Bathlar-ah A Nghak

May 29, 2020 : Covid-19 avanga a pu boral thla 3 chuang fe damdawi in pawn lama lo nghaktu Ui lainatawm tak mai chu a chenna hmunah dah kir leh a ni.

Mongrel ui chikhat kum 7 a upa, a hming Xiao Bao (Little treasure) an tih mai chuan central China Hubei province-a Taikang damdawi in chu a pu virus natna tuara an enkawlna hmun a ni tih hriain February thla khan hrileng karah a rawn pan tih an sawi.

Vanduaithlak takin a pu chu ni 5 lek enkawl a nih hnuah a thi zui ta a ni. Damdawi in tifaitu Zhu Youzhen kum 65 mi sawidanin he ui hi a kalsawn duh ta reng reng lo mai tih sawiin he ui neitu a thih lai hian mi 3869 lai an thi hman tawh tih a sawi nghe nghe.

A pu chu in lamah kir leh tur a awm tawh lo tih hrechang lovin thla 3 chuang lai mai damdawi in bathlarah hun a hmanga hetih lai hian staff-ten chaw an lo pe thin a ni. April ni 13 a China in lockdown a phelh hnu khan, nu pakhat dawr nghaktu Wu Cuifenin a enkawl chhunzawm ta tih an sawi a ni.

A hnuah a Xiao Bao chanchin kimchang leh a neitu boral avanga he ui lainatawm tak chunga thil thlengte chu Ms Wu pawhin mite hnen atangin a hre ve ta chauh a ni.

This site uses Akismet to reduce spam. Learn how your comment data is processed .  share and subcribes. Enjoy.