JULY THLAA SIKUL HAWNG THEI TURIN SAWRKAR A INBUATSAIH

23.5.2020

The Tahan Post

Myanmar Education Ministry chuan July thla chhunga sikul (Primary, Middle, High school) hawng thei turin a inbuatsaih a. A tlaina berah July chawlhkar 3-naah chuan hawn theih an tum tih, Basic Education Department Director General U Ko lay Win -an a sawi a.

May 22 khan Naypidaw Myo-ma bazar bula B.E.H.S (5) High School ah Grade-10 zirlai bu thar Hriselna leh rual pawl dan lam zirna subject chungchang sawi fiahnaah pawh chanchinbu mi pakhatin a zawhna chhangin U Ko Lay Win hian, "July thlaah sikul hawng thei turin budget la chhuakin kan hmang ang. Covid-19 laka invenna hmanrua sem tur pawh uluk takin kan puahchah mek a ni." a ti.

"Theih ang tawkin social distancing kan ti ang a, hri venna hmanraw sem dan tur, kut sil dan tur te pawh uluk taka kan ruahman hnuah (sikul) kan hawng ang. Eng chen nge kan inbuatsaih tawh tih thuah chuan hun bithliah chhunga tih zawh hman kan tum ang. thut thleng rem dan atangin, mask leh face shield sem dan tur, digital thermometer (khawsik tehna khawl) sem dan tur chenin kan ruahman vek tawh. Hun kan la ngah khawp mai."

"Budget chu billion tam tak a ni. Budget chipchiar pawh kim taka siam a ni. Sikul naupang zawng zawng tan maw le. Phunggyi sikul leh private sikula mi te pawh kan sem vek ang. Rei lo teah tender kan zuar ang. Budget hman tul apiangah kan la chhuak ang, kan hmang zo vek ang."

"Naupangte sikul kai tur chungchang hi nu leh paten an hlauhthawnpui na a, bial chhung khaw chhung thuneitute nen tang rualin naupangte an him theihna tur ang ber ngaihtuah chungin thil kan ti dawn a ni. Tah hian nu leh pa, zirtirtute kan inpui tawn theuh chauhin kan ti thei dawn a, i tangho ang u tin nu leh pate ka sawm duh a ni ," U Ko Lay Win-a chuan a ti bawk a.

Covid-19 laka invenna hmanrua te hi sikul hawn hmain sikul tinah thawn thlen vek tur a ni, a ti bawk.

Credit: The Irrawady, 15.5.2020.

Eleven Media, 23.5.2020

Share and subcribes. Enjoy.