BEIRUT BOM PUAK. CHHUI CHIAN NA.

Bom zen chikhat Jelatin emaw leichi siam nan emawa hman chi damdawi, Amonium nitrate (kat hlo chikhat ) tones 2750 lai mai chu an dahna In chawp in a puak darh vek maia, Beirut khawpui lawng chawlhhmun mawi tak mai pawh a chul nghal rawp mai, he thil puak hi TNT antih ang chi hi loni zawk phei se chuan Atom Bom tenau deuh chu a tluk hial dawn ani, TNT ni ta se chuan Hiroshima a an thlak, hmun 4 a then hmun khat tluk vela na ani thei dawna, tuna a thil tihchhiat ai hian alet tamtak in, pawi a khawih nasa zawk dawn ani, mahse TNT nilovin, leichi, emaw, gelatin? emaw atan la siamtur chauh kha ani a, a thawkna lo zawk hle ani, 19 april,1995 kum khan hetiang ammonium nitrate hmang hian Amerika ram Oklahoma state, Oklahoma City ah Timothy McVeigh-an, Federal building target in an alo ti puak tawha naupang telin mihring 168 in anlo thih phah tawh ani, Veigh's hi june 11. 2001 kuma Tur hmanga an jection hlum tak kha ni in ka hria, khami tum khan hetiang Ammonia tones 3 leh a chanve chauh a hmang ani.

Leitha= leichi, Myanmar lama an phurh chhoh vak vak thin te pawh hi, leitihthatna atan an hmang tak tak em hriat ani miahlo, mizoram kaltlang in India siam an phur chho nghek ngheka, khawiah khian nge atawp tak, tute nge hmang, Bungraw dang zawng aiin custom leh police te pawh khian an en liam thei ni khian a hriata, Leitha= Leichi hi chu buai miahlo vin an phur tlang chho zar zar ani ber mai, heng leichi atang hian Ammonia an thlitfim leh chuan Bom zen chak tak a siam theih dawn ani, Myanmar sorkar khian thildang ah alo hmang char char lovang tih a sawi theih miahloh.

A KAIKUANG CHU.

1991 a USSR atanga indang ( independent) Georgia ram a leitha ( fertilizers) siamtu "Rustavi Azot" company chuan, Africa khawmual Mozambique, rama Bom zen siamtu "Fabrica Explosivos" hnenah Ammonium Nitrate, tones 2750 a hralh dawna, heng bungrua hi, Russian Sumdawng, Igor Grechushkin-a lawng,  "MV Rhosus" chuan Georgia atanga Black sea leh Meditaranian tuipui kal tlangin Mozambique lamah a phur chhuak ta ani, a thil phurh hlauhawm zia ngaihtuah hian khawi ah mah chawl kawi kual vel tura ngaih anilo hrim hrim a, mahse, Lawng captain, Boris Prokoshev sawi dan in, lawng neitu, Igor Grechushkin hian Beirut tlawh kawia Bungraw dang hlan belh turin thu minpe ani ati, (source, Jorge Fitz-Gibbon) Cargo Ship ( bungraw phur Lawng lian) ah chuan thawktu ten, thuneitu te hnenah,  Jordan rama hman tur, Bulldozar leh JCB te load an dila Africa an pan leh hma a, Aqaba lawngchawlh hmuna hlan thlak leh tura tih ani, mahse he lawng hian Beirut lawngchawlhmun a chhuahsan leh talo reng reng a, lawng Captain Boris Prokosheva hian aduh vang renga Beirut pan anihloh thu leh, Lawng neitu tu leh, hmang tu te duh-am vang vek niin a sawi. Lawng neitu nen phone hmanga an inbiakna ah pawh, " hetiang lawng hlui tawh lutuk ah bungraw rit tham lutuk phurh chu a risky thu ta pawh ka hrilh ani" ati bawk. 

Beirut lawng chawlhhmun thuneitu te chuan chutia lawng ding ta reng mai chu chhiah hrang hrang lawng chawlh man leh thildang neuh neuh pekloh leh Lawng chawlhmun enkawl "Dan" bawhchhia a puh in, an hreng zui ta a, Lawng captain leh hna thawktu pathum te chuan thla 11 lai an nghah  hnu ah, Ammonium Nitrate tepawh hlang thla ta chuanglo chuan  lawng chu an chhuahsan ve ta tawp mai a. Chutia lawnglian ding khaw-ro ta reng mai chu, lawng chawlhmun thuneitu te chuan, a bungraw phurh, Ammonium nitrate te chu hlang thla in a bula ware house ah te chuan an dah ta hlawma.

Kum 7 lai alo liam ta a, Ni 4  August 2020 thawhlehni khan, heng ware house ( kudam) bula bungraw dahkhawmna ah tho hian kangmei a chhuaka chu kang mei chuan Ammonia an dahna  ln lian pui pui mai chu kangkai in Beirut khawpui nghawr nghing lawih khawpin a puak ta ani, lawng chawlh hmun hnunglama motor kawngpui zau pui maia Car chhiar senloh tlan kaw kalh nuk nuk mai te chu a chhem leng nghal vawn vawn a, Building ropui tak tak te pawh a nghawr chim nghal rum rum mai a mihring 145 an thi tih hriat ani tawha, 5000 chuang hliam awm in 250,000 lai chuan In luah tur an neilo nghal ani. a rapthlak ngei mai, 2014 a tanga puak mai thei tih hre reng chunga lo kawl tlat tu, Beirut lawng chawlhhmun  tuneitu lawk zual te chu an man tawh niin Lebanon thu neitu ten an sawi.

MAK TA BER CHU.

Eng vanga he lawng hi a neitu pawhin ngaihsak ta miahlo nge anih? Beirut Lawng chawlh hmun thuneitu te hian heng bungrua puak mai thei nisi te hi eng vanga kawl reng nge an nih? Lawng neitu hian tunhun atan hian Bom alo kam lawk emni zawk, Iran ram Nuclear sawngbawlna hmun puak vak mai  leh an Missile siamna hmun puak ta chiam mai te nen hian in kungkaihna anei em le, tih te chu tun kan hre ta biklo anih hi.

Tka Joute, Tka Zote Thankhuma.

Share and subscribes enjoy.