Sathau Khâwnvâr Chhi Alh In A Bialnu Innei Turin A Sawma An In A Tikang

A bialnu a hmangaih em em mai chu inei turin a sawma a thinlung hneh ngei tumin tan a la nasa hle. Heng ang hun hi nula leh tlangval tan damchhunga an theihnghilh tawh loh tur hun pawimawh leh hun hlu tak a nih avangin romantic thei ang bera hun hman chu a tute pawhin an tum thin ani.

Mahse, England, South Yorkshire tlangval pakhat chetdan erawh a nilo lamah a kalsual hlauh thung. A bialnu nena innei tura an insawm ni chu chhungkhat lainate tan pawh an theihnghilh ngai tawh loh tur ni a ni ngei ang le.

A hmangaihber neih tuma a sawm laiin an in chhungah Sathau Khâwnvâr 100 a chhi a, room tam takah balloon a khai tel bawk.

Zu man to tak tak leiin a eng chhitna bulah chuan a hung chhuaka a bialnu chu an in lamah leng turin ava sawm phei ta ani. Tianga a ngaihzawng hmu tura a ngaihzawng a va koh hlan chuan a khâwnvâr chhit alh chuan an in chu lo kang alhin, South Yorkshire Fire department lam chuan rang takin thelh mit tumin tan an la ve nghala thi leh hliam awm lovin an thelh mit thei ta a ni.

Thu an zawhnaah thil thlen dan kimchang chu sawifiahin YFD chuan “Eng ang pawhin hmangaih nei ila, romantic tum viau pawhin Eng chhita kalsan chu a hlauhawm tho tho” tiin Twitter lamah an tarlang ve bawk.

A tlangval pawh chuan ka tum nge ruh sa ruh tiin meikhu karah a bialnu chu inneih sawmin nula pawh chuan a lo “Yes” ve nghal ani.