Anau thla in a u a TLAWH ve a!!!

Chaw eikham chuan Rina nen chuan meizial kan pakhlat hlat a. Vawiin kan hlo thlo kan tang deuh nen amah pa sa tha vak lo bawk a sil them thum te ti harh sawng sawng khawpa tuiluma a inbual tak avang chuan a muhil deuh titih nghal ta mai a. Keichuan kan riahluh dawna ka chanchinbu lei chu ka chhiar san a.Thla a eng hle mai a.

Kan thlam chhak lawka thingzaia riak ho pawh chu an tingtang lai deuh perh chuan an zai vang vang a. Kan ri piaha thlam atang chuan naupang tap ri ngak ngak thawm a lo chhuak bawk. A reh lo ve hle mai.Kawngka chu ka hawng eng ruih bawk a.

Thlam chhuat chu a chhun eng phat mai a. Nakin deuhah chuan rawlthar hmel fai vang mai hi a lo lut a. T-shirthring ban thlep a ha a. Towel a veng bawk a .Rina chu a rawn pan phei a. A thlek vang vang a. A ni a mu tui si. Ka va tlawh a. A han harh veleh chuan chu pa chu a tlanchhuak ta daih a.

Phak chel chual hian,"enge a? " a rawn ti a. "eng mah" tiin ka nui suk ringawt a. A muhil leh nghal ta mai a.Nakin deuhah chuan rawlthar chu a rawn lut leh ta tham tham mai a. A khum bulah chuan a rawn thlek leh vang vang mai a.

Ka rilru chuan " ava rawn fiam peih e "ka ti rilru a. Ka han nghawk a. A harh ve leh mai a. Rawlthar chu a tlanchhuak leh vat a. " nge maw mi tih harh reng le" ati bul bul a. Ka nui leh mai a. A tep chuap chuap a. A muhil leh zui mai a. Ka lehkhabu ka chhiar san leh ta a.

Mutchhuakin mi rawn zem ve tan a. Kawngka chu kakalh tha a. Ka mu ve ta a. Nakinah chuan kawngka chu a rawn in hawnga. Chu rawlthar chu alo lut leh taa. Ka ngaih a tha seng ta lo. Ka kalh tawh hnu a rawnhawng miau a. A ngai te bawkin ka thianpa chu a rawn en leh ta ngawih ngawih mai. Ka nghawk vak a.A harh thei lo.

A rukin ka sik vak a a harh ta. Chu pa pawh chu a tlanchhuak leh ta a. Hlauhna in ka tha a man ta. Ka thianpa chuan thil awmzia mi han zawt a.Ka hrilh ta vek a. Thing kan fawm khawm a. Kan chhep alh hluah mai a. Atir khan kan chhak a thingzai riak ve in a rawn fiam emaw ka ti a. Mahse kawngka kalh vek sam taka rawn hawng kha mihringani lo tih ka hre ta ani.

Kan muhil tawh lo chiang kher mai. Khawfing a chat a. Khua alan theih veleh kan haw ta a. Kalkawngah chuan feh kal hma zual kan tawk a. Kan chhak lawk kawngpui ah sumo aksiden a awm thu leh thi an awm thu kan hre bawk a.

Kan inchhak lawk a awm hospital ah thi leh hliamte chu an dah a. Rina chuan han en a rawt a. Kan tlang chho nghal a. Ruang dahna kan han lut chu maw.. Tlangval la tuai tak T-shirt hring ha , a ban thlep, towel eng veng chu alo mu ngat mai le!! An aksiden na ah a ke chu a pahnihin a lo bung chu niin, towel an lo ventir a.

Rina chu ka en a" En teh thianpa, hei ngei hi alawm. Nizana lokal chu anih hi . A en reng che a. Ka tih harh che khan a tlanchhuak zel a. Mak ka ti khawp a.Ka ngaih a tha zozai ta lo ani." kan tih chuan Rina chu a tap ta zawih zawih a."

Thianpa ka nau anih hi, nuthlawi upa zet maiin a ngaizawng a. A kherh hneh si. Kan phal lo chung a nei lui a. Min hmu ngam ta lo ani. Aw.. Lo harh ila thatur " ati ta vawng vawng a.