KHAWHAR-IN-RIAH ZAN BAWK

Tumkhat chu, kum ruk vel kal ta ah khan Mizoram khawthlanglam khaw pakhatah ka zin laiin putar kum 83 mi a boral a.Ka thlenin,ka thianpa chhung hnai/laichin zing ami a lo ni bawk si a.Khawhar inah a riahluh dawn avangin leh ka zinchhan ber anih avangin ka riaklut ve ta ringawt mai a.Khawhar in chu inhlui tawh tak,a chhuat pawh Mau Dap phah ani a.A bul maia in thar tur an sak mek lai a nia.An la sa zo si lova.Tin,he khawhar in hi khaw hmawr a awm a ni a.

In hnunglam chu ramhnuai a ni nghal ti mai ang.Tichuan zan dar 10 velah mutna kan han siam a.An tuikhawihna bulah chuan ka thianpa nen chuan mutna kan han siam ve ta a.Kei chuan a kil sir ka chang a,Tui vak lohna ka nei a,a chhan chu ka mutna bul chiah ah chuan tuibel an hun thinna hmun,tui bua in a tih mawih vang emawni mihring leng hawlh hian chhuat chu a pawp/kaw huau mai a.Mahse mipa tan mut hrehna han neih chu a sawichhuah chi silova.

Mutna kan phah zawh chuan zunram kan thiar a,kan mu zui ta mai a.Engemaw chen chu ka ti ti phawt a,kan in hmuhlohna a rei tawh bawk a,sawitur pawh kan ngah dun khawp mai.Dar 12 vel alo rik chuan kan in mangtha a,kan muhil ve ta a.

Engemawchen kan muhil tawh tihah chuan,ka muhil lai chu chiang deuh mai hian tu emaw hian min pawt tawlh zawt ta mai a.Ka mutna awngphah chanve thleng zet mai chu awngphah chuar tawm vek khawpin ka ke lamah ka tawlh a.Ka harh chiang khawp mai.Kan mutna zawn light bulb chu mut dawnah khan kan off daih si a.Kan piah deuh light chuan fiah vaklo hian a rawn chhun phak a.Ka ke pahnih chu chhuat awngah chuan tu emaw hian alo pawt lutthla reng tawh hi alo ni a.Ka phu nasa kher mai.Rang zetin ka ke chu ka tawmlut vat a.A ngaihna ka hre lo hle mai.Mahse midang mutui lai tihharh ka hreh si a,tu emaw in min fiamna ni turah ka ngai a."A tullo hle mai"tiin ka phun a,mutna ka siam tha a,ka mu leh ta a.

Ka mut leh atanga darkar khat ala tlinglo ang tihah chuan,Ka puan sin lai chu ka ke lamah a rawn inkeu tial tial a.Ka kerekah chuan kut vawt zet mai hian a rawn man a.Chhuat awngah bawk chuan min phih tawlhlut ta zawk mai a.Ka kawng thleng chuan inhnuaiah min phih lut leh ta.

Kan kut pahnihin ka in nam khalha,ka tang nasa bawk a.Ka let leh rang khawp mai....! Inhnuai lamah chuan nui kur kur thawm hi a rawn awm a.Mihring tih ni turah ka ngai a.Ka thin a rim bawk a.Ka zuk bih vat a.Ka thil hmuh zet kha aw..Mi pakhat dum run mai,mit lian zet mai,meng de ru mai hian min lo melh kuau mai a....ka phu nasa kher mai! Inhnuai lei leh chhuat hi 7 ft vel chauh sang ani a.Kan in hmu hnai set sawt khawp mai ! ka mit sulh hian ka hria a,ring deuh a au chhuah ka tum chu,mahse aw mumal ka lo nei tawh miahlo mai,zawite hian ka au ri riai riai a.

A va han hreawm kher em ! Chu thil rapthlak tak chuan min melh kuau reng mai si a.Chet sawn ka tum chiah chu nghet zet mai hian ka banrek pahnihah hian a man a.Ka en ngam tawh lo... Chiang zet leh aw thum chhur mai hian "Haw rawh.." min han ti mai chu.....! Khawvel hi atawp tawh mai dawnin ka hria...tichuan min thlah ta a.Ka let tawp mai a.Engmah ka sawi tawh lo.Ka thianpa bulah ka phei a.A mutnaah chuan ka in thawlh ve a.

Ka thianpa chu alo harh a,"Engatinge thianpa?" a lo ti a.Mahse ka chhang theilo...tlangval-a-pumpa ve lem chu ka khur chhia ani ta der mai.Ka muhil thei tawh lova.Ka meng ngam bawk silova. Ka khua a sik zui tak avangin ka thian pa chuan khawvar hmain an inah min hruai haw ta a.A tukah zanah pawh ka dam loh avangin ka riak lut ve thei ta lova...Ka zia deuh hnuah Aizawl panin ka haw ta ani.

He thu hi tuma hnenah ka la sawi chhuak ngai lova,vawikhatna atan ka sawichhuak ta a ni.Ka thianpa pawh kha mitthi chhungte zinga ami ani a.Ka hrilh duh ta lo ani.He ka thu post hi a chhiar ve hlauh chuan a hrethiam turah ka ngai.

Share and subcribes enjoy.