NAUPANGIN A NUN HMASA-A THAT TU A SAWI CHHUAK

He topic bik hi Mizo Culture leh Society lamah hian sawi a tam loh/ awmloh avang hian kan thinlung leh rilruah a tla na vank lo mai thei.

Mahse Hnampui ( I ti hluai teh ang) ho hi chuan he thil hi an hre lar viau niin a lang tlat lawi si. Tuna kan rawn sawitur pawh hi hetiang thil thleng zinga mak zualpui deuhte ti ta ila kan uar lutuk awm love.'Golan Height han tih hi chuan Israel leh Middle East vel hi a lang nghal ruih mai a. Mahse tun tum chu khulai bawr vel khaw pakhata naupang kum 3 mi chanchin a ni kan sawi tur chu.'He naupang te, a hming tarlan loh hian a chhungte bulah a nun hmasa lam ni awm tak hi a sawi a sawi leh thin a. A tirah chuan a nute pawn thutak hla takah an la lemlo a, naupang thukhawchang mai maiah an ngai a ni awm e.

Mahse tualthah chung mai bakah amah thah a nih dan a sawi takah leh...a pian tirh ata a neih...a chala kutchuk ang deuh thil sen awm va mai chu hreipuia an cheh na hnuhma a ni tia a sawi fo takah chuan a nu leh pate beng pawh a verh ta zar mai a ni awm e.'Hetiang a nih takah chuan han palzam mai chi niin an hre ta lo a niang, an khaw hotu lam te chu an punta a, an zingah chuan mithiam pakhat Dr Eli Lasch an tih pawh chu a tel ve nghe nghe a. Chu naupang chu an han kawm chiang ta tak tak a. A ruang (A taksa hmasa) an phumna hmun leh an cheh hlumnahrei an phumna te, a that tu te bakah an khaw hmasa thlenga a sawi takah chuan tuman thu lawi lo ah an ngai thei ta lo aniang e. A thusawi bawh zuitur chuan an thawkchhuak ta a.'Naupang kum 3 mi lekin a sawi ang ngei chuan a ruang an phumna hmun chu an han lai ta tehreng a.

Mak tak maiin ruhro vek tawh ruang hi an lai chhuaka, a chal chu a lo kaw dawk bawk a. A makna belhchhah turin chu ruhro-a hliam hnuhma leh naupangin a chala kutchuk ang deuh thil sen awmna zawn chu a lo in ang chiah a nih chu!!! Tunah chuan an phur leh zual ti ta ila, ka sawi sual lo ang chu. Naupang tein amah thahnana hreipui an hman an thuhrukna hmun chu an va en leh ta ngat a. A rinhlelh deuh si, awih deuhroh si ang chiah chuan hreipui hlui tak chu an lai chhuak leh ta bawk a.'Tunah chuan tuman an ringhlel tawh awm love. A mah that tupa lam chu an awn leh ta thung a.

Mahse an khawhlui (Naupangte nun hmasa zawka achenna khua) an va thlen chuan a mi sawi pa chu kum 4 kal ta ah khan a chin hriat zui tur awm miah lova a pembo thu chu an hre ta a. Mahse Dr Eli Lasch kan tih khan a hmelhriat te leh Police te thlenga rawn zuiin a chhui ta ngar ngar a. Chupa ngei mai chu an hmuchhuak ta a. Hmaichhanah naupang tein a hmaa a thah dan zawng zawng a sawi takah leh, a ruang mai bakah a thahna hmanrua thlenga an hailang tih an hrilh hnu chuan chupa pawh chu a inpuang fai ta vek a. Jail run thimlamah sengluhin a awm theih phah ta a ni.