Krismas a hnai tawh hle a. Thingtlàng lama pa tamtakin an tih dàn thin angin, Lal pian tuka hmeh hman tawka en leh tùrin thian dun hian Beai thang an kam dun a.
An kam tumna mual chu zìng dàr 9 vèlin an thleng hman tawk a. Zial te zu-a an hahdam hnu chuan an kam tan ta a. Sava hnuhma thar lam tak tak an hmuh avàng chuan phur pawh an phur viau a ni.
Thang 20,30 vèl an kam hnu chuan a pakhat zawk chu mual tè pakhatah chuan a per kai a. In auh phàk reng chuan an kam ta a.
Mahse, dàr 11 vèl chuan mualtè-a per kai zawk chu a thianpa chuan a'n au thin a. Chhangtu rèng an awm ta hauh lo mai le! A ngaih a tha lo tan ta. Au eih ngei tuma a beih fe hnu pawhin a hlawhchham chu a ni ta der mai!
Kir lehin, a thianpa per kaina atang chuan a hnu chu a chhui ta a. Thui fe chu a beai kam leh perhtè a thliah chu a hmu mai a. Mahse, kham ang reng, mihring han kal theihna mai tùr ni si zawn a thlen chuan hnuhma chu a bo ta daih mai a. A buai ta. Khamah chuan chesualin a lum a ni ang, ti dàwn se, mihring sulhnu àwm a hmu bawk si lo. A mangang ta kher mai.
A'n kuk raih raih thin a. Mahse, chhawn tu chu a aw thangkhàwk mai a ni ta si! A chàng leh, a'n tawngtai a. Mahse, a thianpa hmèl chu sawi loh, a sulhnu takngial pawh a hmu ta si lo! A mang ang chhia chu a ni ta!
Khamah chuan a'n chhuk thla ren rawn thin a. Mahse, a beiseina tibeidawngtu lekfang a ni tho si!
Khua a tlai tak zèl avàngin haw san mai chu tha bera hriatna a neih tàk avàngin dàr 3 vèl chuan thin thi zàn lo chuan a hawsan ta nge nge a.
In a thlen hma zawng chuan zuitu, hmuh theih si loh leh thawm hriat tùr awm bawk si lo chuan zui tlatin a hria a. Mak a ti kher mai!
Khua a luh chuan Inkhawm an lo bang fel chiah a. Thu khuh nei lo in thil thlen dàn chu a sawi nghàl zung zung a. A rukin, chumi zàn la la la chuan zawng tùrin mi 10 vèl chu an chhuak ta a.
Chu'ng mite'n a tuk nilènga an zawn pawh chuan buhpàwl zìng antam mu khat zawn ang hlauh a ni nilèng ta mai a. An beidawng chuan pakhat intìr hawin, khawtlànga zawn mai chu thain an hre ta a ni.
Khawtlàng bàkah thenawm khua te nèn hapta khat chhùng an beih fe hnu paw'n, a rim a ra pawh hre lo in an tinsan ta a ni!
Chupa bo atanga thla khat àwm vèlah chuan zàn khat chu a nu leh pa chauh an la men laiin an kawngkapui chu a rawn inhawng thut mai a. Kawngka lam chu an en rual thawt a. Chutah, an fapa, khuangcher bo-a thi-a an ngaih tawh, vuina hun pawh an hman thlap tawh chu bal èm èm leh sam thur be-bu chunga kawngka bianga a rawn kan lai chu an han hmu rual thawt mai a. A nu chu a te thawt mai a. Mahse, rilru fim a pu leh thuai a.
Dàrkàr dàwn thaw chu biak paw'n chhan nachang a hre lo a. A tàwpah chuan bah takin a tawng thei ta hram a ni!
'tiang hian a chanchin maksak tak mai chu a sawi ta a -
" Mualtè-ah khàn perkai pawh ka tum a ni lo. Mahse, min pawt tlattu a awm miau avàngin ka kai lo thei lo a ni!
Thui fe kha thianpa nèn kan thawm kha kan inhre chho reng a. Mahse, kham chhawrdawh ka thlen chhoh khàn min hip liam ni ta berin ka hria. A ngaihna pawh ka hre lo. Mu leh mal ka hriat chuan pùk lian vak loah hian ka lo awm reng tawh mai a. A nuam phian lehnghàl a!
Chu pùk chu Zàwng rual khat riahna thin tih hriat tak hian an rim pawh a nà hle a. Mahse, tlaiah pawh riah tuma rawn dik dak pawh an awm ta lem lo a.
Engtik laiin nge, ka mutthilh, pawh ka hre lo. Ka'n harh leh chuan a thim mup mai a. Ka ril pawh a tam ta kher mai! Ka bul vèl chu ka'n dap nghàl mai a. Hnahthiala thil fun eng emaw hi ka dap fuh ta mai a. Ka'n phelh chuan vaimim chhum a ni, tih ka hre ta a. Ka ril a tam bawk a, ka ei ta bawrh bawrh mai a.
Chhun lamah pawh ka mutthilh hlan kherin vaimim chhum, dai dak tawh, kàwm 7 vèl tùr hi ka bulah hian a lo awm ziah mai a. Ka ei zèl mai a ni!
Chutiang hlir chuan ka bo chhùng khàn tu tih hriat si lohte'n vaimimin min chàwm a. Pùk atanga chhuah nachàng pawh ka hre lo kha thil mak tak chu a ni ve a ni!
'chuan, chhuah nachàng ka hriat veleh ka rawn chhuak a, ka rawn haw ta nal nal mai a ni!
Mak ka tih èm èm mai chu, 'ei tùr min petu(te) leh pùka min hruaitu(te) kha TU TE NGE NI ANG?'tih hi a ni! ##
₹₹ Khawvèlin, ' thilmak 'kan tih te aia mak leh zual chu, Pathian Hmangaihna ' hi a ni!
An kam tumna mual chu zìng dàr 9 vèlin an thleng hman tawk a. Zial te zu-a an hahdam hnu chuan an kam tan ta a. Sava hnuhma thar lam tak tak an hmuh avàng chuan phur pawh an phur viau a ni.
Thang 20,30 vèl an kam hnu chuan a pakhat zawk chu mual tè pakhatah chuan a per kai a. In auh phàk reng chuan an kam ta a.
Mahse, dàr 11 vèl chuan mualtè-a per kai zawk chu a thianpa chuan a'n au thin a. Chhangtu rèng an awm ta hauh lo mai le! A ngaih a tha lo tan ta. Au eih ngei tuma a beih fe hnu pawhin a hlawhchham chu a ni ta der mai!
Kir lehin, a thianpa per kaina atang chuan a hnu chu a chhui ta a. Thui fe chu a beai kam leh perhtè a thliah chu a hmu mai a. Mahse, kham ang reng, mihring han kal theihna mai tùr ni si zawn a thlen chuan hnuhma chu a bo ta daih mai a. A buai ta. Khamah chuan chesualin a lum a ni ang, ti dàwn se, mihring sulhnu àwm a hmu bawk si lo. A mangang ta kher mai.
A'n kuk raih raih thin a. Mahse, chhawn tu chu a aw thangkhàwk mai a ni ta si! A chàng leh, a'n tawngtai a. Mahse, a thianpa hmèl chu sawi loh, a sulhnu takngial pawh a hmu ta si lo! A mang ang chhia chu a ni ta!
Khamah chuan a'n chhuk thla ren rawn thin a. Mahse, a beiseina tibeidawngtu lekfang a ni tho si!
Khua a tlai tak zèl avàngin haw san mai chu tha bera hriatna a neih tàk avàngin dàr 3 vèl chuan thin thi zàn lo chuan a hawsan ta nge nge a.
In a thlen hma zawng chuan zuitu, hmuh theih si loh leh thawm hriat tùr awm bawk si lo chuan zui tlatin a hria a. Mak a ti kher mai!
Khua a luh chuan Inkhawm an lo bang fel chiah a. Thu khuh nei lo in thil thlen dàn chu a sawi nghàl zung zung a. A rukin, chumi zàn la la la chuan zawng tùrin mi 10 vèl chu an chhuak ta a.
Chu'ng mite'n a tuk nilènga an zawn pawh chuan buhpàwl zìng antam mu khat zawn ang hlauh a ni nilèng ta mai a. An beidawng chuan pakhat intìr hawin, khawtlànga zawn mai chu thain an hre ta a ni.
Khawtlàng bàkah thenawm khua te nèn hapta khat chhùng an beih fe hnu paw'n, a rim a ra pawh hre lo in an tinsan ta a ni!
Chupa bo atanga thla khat àwm vèlah chuan zàn khat chu a nu leh pa chauh an la men laiin an kawngkapui chu a rawn inhawng thut mai a. Kawngka lam chu an en rual thawt a. Chutah, an fapa, khuangcher bo-a thi-a an ngaih tawh, vuina hun pawh an hman thlap tawh chu bal èm èm leh sam thur be-bu chunga kawngka bianga a rawn kan lai chu an han hmu rual thawt mai a. A nu chu a te thawt mai a. Mahse, rilru fim a pu leh thuai a.
Dàrkàr dàwn thaw chu biak paw'n chhan nachang a hre lo a. A tàwpah chuan bah takin a tawng thei ta hram a ni!
'tiang hian a chanchin maksak tak mai chu a sawi ta a -
" Mualtè-ah khàn perkai pawh ka tum a ni lo. Mahse, min pawt tlattu a awm miau avàngin ka kai lo thei lo a ni!
Thui fe kha thianpa nèn kan thawm kha kan inhre chho reng a. Mahse, kham chhawrdawh ka thlen chhoh khàn min hip liam ni ta berin ka hria. A ngaihna pawh ka hre lo. Mu leh mal ka hriat chuan pùk lian vak loah hian ka lo awm reng tawh mai a. A nuam phian lehnghàl a!
Chu pùk chu Zàwng rual khat riahna thin tih hriat tak hian an rim pawh a nà hle a. Mahse, tlaiah pawh riah tuma rawn dik dak pawh an awm ta lem lo a.
Engtik laiin nge, ka mutthilh, pawh ka hre lo. Ka'n harh leh chuan a thim mup mai a. Ka ril pawh a tam ta kher mai! Ka bul vèl chu ka'n dap nghàl mai a. Hnahthiala thil fun eng emaw hi ka dap fuh ta mai a. Ka'n phelh chuan vaimim chhum a ni, tih ka hre ta a. Ka ril a tam bawk a, ka ei ta bawrh bawrh mai a.
Chhun lamah pawh ka mutthilh hlan kherin vaimim chhum, dai dak tawh, kàwm 7 vèl tùr hi ka bulah hian a lo awm ziah mai a. Ka ei zèl mai a ni!
Chutiang hlir chuan ka bo chhùng khàn tu tih hriat si lohte'n vaimimin min chàwm a. Pùk atanga chhuah nachàng pawh ka hre lo kha thil mak tak chu a ni ve a ni!
'chuan, chhuah nachàng ka hriat veleh ka rawn chhuak a, ka rawn haw ta nal nal mai a ni!
Mak ka tih èm èm mai chu, 'ei tùr min petu(te) leh pùka min hruaitu(te) kha TU TE NGE NI ANG?'tih hi a ni! ##
₹₹ Khawvèlin, ' thilmak 'kan tih te aia mak leh zual chu, Pathian Hmangaihna ' hi a ni!
On 09 september 2024, at 03:26, Anonymous commented on 
0 Comments
I ngaihdan han thawh ve teh le!