KA PA THU MIN HRILH CHU!_* _(Kan nun min kaihruaitu atan)

Mama in unau in tlem a, mi za h in kai lo ang. Rethei te mah ni ula, in inhmangaih phawt chuan miin an zah mai ang che u!"_*

*_"Mi thil in pekin, in ui lai ngei pe rawh u. In ui vak loh phal taka in pek ai chuan, in ui ngawih ngawih kha pe ula, malsawmna in dawn bakah in hlim zawk ang"_*

*_"A rukin mi ţanpui rawh u."_*

*_"Chaw in chhum in, chhungkaw ei khawp aia tam chhum zel rawh u, ei tur nei lo rilţam an lo tlu lut thei a nia."_*

*_"Kut dawh ina an lo luhin, kut ruakin chhuahtir ngai suh ang che u."_*

*_"Mi in fiam duh a nih chuan, an fiam let che u pawhin in haw tur a ni lo, mahni mawng hlim mai in ni ang."_*

*_"I Nu leh pa chawimawi rawh,' tih hian ka pa chu a fel, ka nu chu a fel, tih ngawt hi a ni lo. In nunin min chawimawi rawh u."_*

*_"Mi tu pawh hi zah takin bia ula, an zah let ve ang che u."_*

*_"That niah aiin chhiatni-ah lang tam zawk rawh u."