HMANGCHANG* *(REFREGERATOR)

*Fridge hi chhungkaw tinin kan neih deuh fur tawh a ni na-in chinchang kan hriat erawh a la tlem hle awm e.*

*Kan hriat a tana ṭul zual chauh tar lang thuak thuak i la a tawk viau mai awm e.*

*1. Fridge kawngkhar hi a phui ṭhat a pawimawh khawp a, phui taka khar ṭhin tur a ni, a phui ṭhat loh chuan a khawl a rim bik bakah, fridge gas kan tih mai ṭhin, refrigerant gas hi a hek em em bik a, chu mai bakah pawn lam boruak a dawn reng hian boruak a tuihu awmte hi fridge chhungah khan vurah lo changin vurah a lo insiam a, vur khawn a insiam zung zung ṭhin.*

*a) Single door ah chuan heng vur khawnte hi a freezer-ah hmuh mai theihin a awm ṭhin a, awlsam taka tih fai ve mai theih a ni, i tih fai duh chuan fridge ah power supply ti tawp la, a tui hun nghak rawh, a lo tui vek hunah pawnche thianghlima hruk hul mai tur a ni, hre lovin ṭhenkhatin kar khawh an tum ṭhin a, freezer an kar pawp fo ṭhin, freezer pawp hi repair theih a ni lova, thlak hlawk ngai a nih ṭhin avangin sum senso a tam lo thei lo, thawmphui thei ni a insawiin fridge siam ṭhin inti tamtakin mi an bum fo va, a neitute lam an in sengso thlawn ṭhin a ni.*

*b) Double door-ah erawh chuan vur khawn hi freezer awmna compartment chhungah daih vur khawn hi a insiam ṭhin avangin single door a vur khawn awlsam taka hmuh theih ang hian a awm ve lo, compartment chhung daihah cooling chamber a awm avangin vawt insiam hi fan hmanga chhem chhuah tir a ni ṭhin a, vur khawn a tam chuan a fan hi a chiah chhe thei bawk, a hnung lama tui chhe paih chhuahna tur pipe an dah hi vur khawn hian awlsam takin a hnawh ping ṭhin a, a hnawhpin hnuah vur khawn hi a lo pung zel a, a hnuai lama boruak vawt a supply-na kalkawng hnawh ping zelin, a hnuai lam a vawt mumal lo hmasa ṭhin, vur khawn a lo tui chang hian a tui chhe paih chhuahna tur ber pipe ah a luan theih tawh loh ṭhin avangin a remchanna lai laiah tui hi a lo hnam chuak ṭhin, hetianga i fridge a awm a nih chuan a rang thei ang berin fridge siam thiam panpui ang che.*

*2. Fridge vawt lutuk kan tih ṭhin hi a vawh dan control-tu ber thermostat chhiat vang a ni ṭhin, thermostat hian a vawh ṭhat hunah compressor a current supply a off ṭhin tur a ni a, a lo chhiat a hna a thawh theih loh chuan compressor hi engtik lai pawhin a nung reng ṭhin, a gas a hek em em bakah compressor a chhiat phah a hlauhawm em em a ni.*

*3. Fridge hi kawng hrang hrangin a chhe thei a, a vawh theih loh hian tamtak chuan a gas a zo a nih an ring mai ṭhin, fridge gas thun hi a thiam panngai leh training chhuak chauh tih tir ang che. Fridge gad thun (refill) tur hian hriat tur pawimawh hriat ngei ngai tam tak a awm avangin thun thiam inti nazawng an rintlak vek loh tih hriat a ṭha.*

*4. Fridge chawisawn emaw, hun sawn hian a tlu a chawisawn lovin a awm dan pangngaia chawi sawn ṭhin tur, a tlu a chawi sawn chuan darkar 24 hma a on tawh loh a ṭha.*

*5. Fridge-ah hian stabilizer hman vek a ṭha a, off zen zen loh bawk hi a ṭha a ni.*

*I fridge a lo chhia a nih chuan K.L. ELECTRONICS REPAIRING CENTER, Zarkawt main road a mi hi lo pan ve rawh le, mechanic thiam takin ṭhut chilhin englai pawhin i harsatna ah an pui thei reng che a ni.*

*Biak pawh duh tan a hnuaia phone no. tar lanah hian biak theih reng an ni e. Tuna i mamawh nghal mai lo a nih pawhin lo chhinchhiah rawh, mamawh hun a lo thlen a i tal buai loh kan duhsakpui tak zet che.*
8014666960
8974230650

*Midangte tan hmangchang hriattirtu i nih theih nan share ve rawh le.*
*****************

source = facebook