PUMNA DAMDAWI

Na neih hleka nachhawkna hmawm nghal chawt zel hi taksa hrisel nan a pawi thei a, chuvangin nachhawkna pawi lo chi, kan nitin ei leh in atanga kan siam thiam chuan a tangkai viau ang._

_*Times of India health section-in pumna (stomach ache)* enkawl dan tha ni a an tarlan te kan rawn chhuah chhawng e._

_*Ser tui leh mint juice* thiarfiante khat ve ve no-ah dah la, *sawhthing* tui sawr tlem far la, tah chuan *black salt* telh leh la, chu chu tha taka chawhpawlhin in mai tur a ni._

_Hei hian pumna satliah chu a chhawk ve thei hle a ni._

_*Lemon tea* i in ngai em, tah khan *khawizu* thirfiante khat pawlh la, chu chu nitin vawi hnih in thin rawh._

_*Lemon tea* a nih kher loh pawhin i *ser tui* thirfiante khat leh *khawizu* thirfiante khat chawhpawlhin, tuilum nen chawk la, chu chu nitin no hnih in thin rawh._

_*Sawhthing* rawt sawm la, chu chu a tui sawr la, a tui chu i pum zût kual vel nan hmang la, hei hian pumna a tiziaawm thei._

_*Pum nuam lo* deuh teuh teuh i nei fo a nih chuan tui in tam ang che. Tui kan in hian kan taksa tûr awm te a paihchhuak ve a, zun leh ek a titha a, chu chuan pum nuamlo tur a veng ve thei hle a ni._

_Eitur siam sa, ei mai theih tura an pack ang chi te hi pum an tina duh hle._

_Heng ai chuan thlaihnah hring leh thei lam chi ei tam zawk tur a ni._

_*Pumna* i nei fo a nih chuan kein kal (walk) tam ang che, hetianga i tih hian i *chaw paitawihna (digestive system)* a lo hrisel phah sawt ang a, chu chuan pumna tur nasa takin a veng ang.