TITANIC CHUNGCHANGA THU INTHUP THENKHAT

 Khawvel nuam tawlna lawng lian Atlantic tuipuia vur tlang a sut avanga 1912 kuma pil ta, Titanic chungchanga kan hriat vek lem loh thu inthup thenkhat a awm.

1. Titanic chhunga room to ber(VIP room a ni ang) chu zan khatah US $ 100,000(nuai khat) vel a ni hem mai. Tuna khawvela seven star hotel awmchhun an tih burjal arab hotel-a room man to ber aiin a let thum velin a to zawk.

 2. Titanic chhunga mipui awi tlei tura ruat, musician-te khan khatih hun laia mite duh zawng hla lar 370 lai mai chu ka pa vaibel ti khawpin an by-heart hneh a. Passenger-ten an hla rawn thlan apiang khaih-lak leh bahlah miah lova an tum nghal zung zung theih nan a ni.

 3. Titanic lawngpuiah khan passenger tan liau liaua chhiar tur chanchinbu, The Atlatic News an tih chu ni tin an tichhuak a, lawngpui chhunga thil thleng apiang tarlan a ni.

 4. Titanic lu lama an hman a ban palina chu lawngpui chei mawina atan mai maia an siam tel a ni.

 5. Titanic kha a lian em tak a. A engine, lungmeihawl hmanga tihrum a ni. Lungmeihawl buaipuitu pawh mihring 178 ngawt zuk nia.

 6. Titanic kha vawiin thlengin vur tlang avanga lawngpui pil awmchhun a la ni.

 7. Vur tlang an hmuh a, an kawng sawn tura an inhrilh khan darkar chanve an lo tlai hman a ni.

 8. Vur tlang an sut atanga an pil thleng khan darkar hnih leh minute 45 chhung a rei.

 9. Lawngpui a pil rak thleng khan mei eng mit miah lo turin engineer mi 20 ten an nunna thap tak meuhin an vil veng a. Dam chhuak an awm ta lo.

10. Engineer-te ang bawkin musician-te pawhin an mawhphurhna an hlen. Lawngpui pil thleng khan an music tum an chawl miah lo.

 11. First class-a chuang passenger-te tana ruahman chhanchhuahna lawng te pakhat zelah khan mi 8 chauh chuan theih a ni a. A saseh an thlen meuh chuan mi 20 lai an inhnawh a, zo takin a phur thei ta tho.

 12. Titanic lawngpuiah khan ui 13 lai an lo phur tel a, 3 chiah an dam khawchhuak thei.