DITIP AWMZIA (MIZO TAWNG UPA)

Ditip han tih mai chuan mizo tawng kauchheh ah tel velo ni awm a mawi ani a, hnamdang tawng nimai awm ani. Ditip tih chuan mizo tawngah a englai ber nge hriat a har tawh hle a,tunlai thangthar ten kan hrelo nasa in thil hriat mak mawh pakhat ani ve hrim hrim in ka hria.

Di han tih chuan tawngkam pahnih hmangaih te in kar a (di) leh hnim chikhat di hi a lam dan a in ang a, hriat pawlh sawitur erawh vawin thleng chuan an la awm lo chu ani phawt mai... hmanlai deuh kha chuan hnim chikhat di kan tihmai khan in chung an chilh thin a nih kha. In chung chih a buaithlak in a hautak hle... an han chih zo a, a phui leh phuiloh fiah nan tlangval zun ngah deuh an han zun tir hmasa kher kher thin a nih kha. A phui ngei em tih fiah ngai miau hek le.

Ditip awmzia chu sawi zau vak ngaiin ka hre lemlo. A chunglam a kan tarlan tawh angin di a in chung chih kan ni a, kha mi di hnim leh thing di an tawn behna in kar( in chung atana an hman di leh di an phuar behna di leh thing inkar a kil khawr lai deuh bik) hi ditip kan tih chu alo ni ta ani... enge maw in chung chih karah an han zep a, pa berin, "Ditipah ka zeh tak kha, han la ta mai che" atih fo pawh hi inchung atana kan hman di hnuai chiahah khan a zep ta a, chu chu la turin a ti tihna ani.. ditip han tih chuan awmze hran daih nei tura ngaihna hi a awm leh thin a, chu chu ngai hran lo in, ditip kan tih chuan in chunga kan thil zeh sawina mai kha ani e.

Tin ditip han tih hian a khawilai hmun pawh a huam tho na in hman lai deuh kha chuan an tap chhak lam kil khawr deuh bik tak naupang ban phak theih siloh lai dihnuai kha a kawk deuh bik bawk awm e. Tapchhak lamah lo kha chuan thil dah an nei vak lemlo bawk nen ,  A khai khawmna chu Tap chhak kil in chung karah tiin khai khawm ta mai ila a fuh ber awm e.

Tun laiah sawi dawn ta ang ila, di kan hman miau tawh loh avangin rangvatip (inchung rangva kar/hnuaia thil zep) emaw cementtip tih te pawhin kan sawi ta mai aniang chu, awm in awmlo viau mahse, sawi dan tur dang awm miau heklo le.

Note = Google lamah ka bih kual reng reng chhin teh ang ka ti chu a sawi fiahna mai nilo in a zul a thu ziak pawh ka hmuh loh avangin ka ziak veleh rawih mai ani e.. thu ziak diklo leh siam that ngai a awm chuan comment lamah in hrilh theih nise a lawm awm ngawt ang.

i hriatna ti zautu lo ni sela,ka blog hi min lo share sak ve ngei bawk turin ka ngen che ani. Enjoy.