CORONAVIRUS HI BIOWEAPON CHINA-IN A TIH PUT VANGA ȚAIDARH A NI - S. China Univ of Technology

FEBRUARY 18,2020 : Coronavirus (COVID-19) China rama mihring pulh hri leng leh mek leh ram engemaw zat a țaidarh mek China rama nitin zatelin an thih pui hi tunlai khawvel pumpuiin an țih a ni a, Wuhan khawpui mihring nuai 110 chuang zet mai chenna khawpui chu tuma tlawh pawh theih loh a kharkhip tlat a ni a, he khawpuia chengte pawh an in ațanga pawn boruak dawng lo tura inlama tawm tlat tura tih an la ni reng a Hetiang bawka hian a chhehvela khawpui tenau leh an thingtlang khua Aizawl aia mihring tam zawk a khaw tam tak pawh hna thawh chu sawi loh pawn chhuak ngam loin an awm mek a. Nunphung a khaihlak tak zet a, an awm dan chipchiar hi hriat hleih theih a ni chiah lo a, a chhan pawh China ram hian Chanchinbu leh Internet, Social media a khuahkhirh (censored) tlat avangin thil awmdan leh he dinhmun dik tak hi a țhen pawh kan hre thei lo, he luikam ațang hian tih ang chauh a ni.

A hma lama sawi tawh angin Wuhan khawpui hi World factory/industrial hub a ni a, he khawpui kher kher ațanga he mihring pulh hri leng hi a vanduaithlak tak zet ava ni.

Wuhan khawpui hi eng vangin nge ram hausaa Company lian zawng zawngten zawhte chaw ațanga khawl changkang ber ber bun an duh tih hi zawhna a ni nghal ngei ang. A chhan chu China ram hnathawk hlawh tlem leh leitu leh eiraltu kã leh hmang tu tam a ni a, lawng leh thlawhna hmanga thawn chhuah awlsam a nih bakah foreign company te tan India ram ang lo takin tax leh dan tesep an siam tlem a, hei vang hian a bawhin an bawh ta ruih ruih a, Company hrang hrang mamawh inchawm tawna awmin an khawsa tlang a, China lahin chhiah "export duty" chauh pawh a hlawk tih a hre kar mai si a, vai sihal putar rual atir ațanga hlawkna "laap" melh ringawt ai chuan an chhawr ta a, an ram sum leh pai țhanna chu kum 20 hma lama țhang mang lo kha thopa zuan takin dan rual lohin a zuang ta zawk zawk a nih hi. Sihal putar rual te erawh chuan Mizote ang bawkin a enga mah hmain ram dang leh midang huphurhnain an khat a, dai theu chikima an theu avangin Foreign Investor an aia fing zawkte hnarah an khawng a, Indian economy chuan chau rau ek a thai lo thei ta lo anih hi. Budget thara damdawi hnawih tumna hi eng tak ang ang maw. Republic of Mizoram hi ni ta ila vai Hindu putar, sihal mei bulho ai hian hnam dang leh sakhaw dang hi kan tei thei lo zawk lo'ng maw? America a ni emaw khawchhak hnar bawng Japan ho hian a thlawna SEM leh DAWN hi ram leh hnam dinchhuahna a ni lo tih hi an hre chiang a, an la zuar ve ngai lo, India rama hnam fing Tamil, Bengali an ke tin  thlenga thluak neia sawi pawhin SEM hi an zuar hek lo.

WUHAN VIROLOGY AȚANGIN ENG NGE DARH

US Senator Tom Cotton-a chuan he natna Coronavirus hrik thawk leh khata țaidarh huk hi Wuhan Institute of Virology ațanga tih palh thila put chhuak  niin a sawi. Hemi chungchang hi Chinese University pawhin an rawn sawi ve leh ta chat mai si a,an ni hi he thil sawi hnuhnung ber an ni bawk. South China University chuan Coronavirus an zir chianna ațangin laboratory ațanga he hrik (virus) hi put ngeiah an ngai. He University in an zir chian (research) dan chuan Wuhan sangha zawhna  (seafood market) ațanga 300 yard ( feet 927) chauha hnaiah laboratory hi a awm a ni.

China ambassador Cin Tiankai CBS news in tun thla bul lama a kawmnaah pawh hemi thil hi zawh a ni a, he puhna hi thil nuihzatthlak mai a ni a tih laiin, a nih lohna lam erawh a sawi duh miah lo. Kawng danga midangte hriatna ațang pawhin Coronavirus hi mihring siam chawp hripui leh pul hri ni ngei a ngaihna a awm bawk.

WUHAN VIROLOGY INSTITUTE NENA INZAWMAH UNIVERSITY IN A NGAI

A tir tea he natna kai leh veite kha Wuhan sangha zawrhaah tumah an kal lo nia ngaih a ni. Sawi tawh angin he Sangha zawrhna leh Wuhan Virology Institute hi lung vawm phak leka inhnaiha awm an ni tih US Centre for Disease and Prevention Control (CDC) chuan a sawi. He Institute hi China rama Biosafety Level 4 Laboratory hmasa ber niin hetah hian natna hri hlauhawm ber ber ( the most dangerous pathogens) zir leh khawi an ni.

South China University of Technology in a zir chianna  thu an keuh thluk dan chuan Coronavirus hi laboratory ațanga put chhuak "a ni mai thei" tih a ni. Chinese mithiam Batao Xiao leh Lei Xiau  te chuan Wuhan Control Disease Prevention - rannnung leh nungcha leh ransa chitin ațanga natna hrik hlauhawm tak tak te khawi leh zir chianna hmunpui anih thu an sawi. He zir chianna hian a sawi chu bâk leh Coronavirus inzawmna neia sawi chungchangah bâk ațanga hrik hlauhawm leh natna kai theihte pawh hetah hian khawi an ni. Thu tlukna an siam danin  mihring pul hri put chhuah dan hi tihpalh thil thu a laboratory a thil tih sual vang a thleng ni theiah an ngai. He zirchianna hi inhnialna nasa tak chawk  chhuak thei leh he hrik huaisar tak mihringin a kai a pulh hri rang tak ang maia a darh huk danah erawh chuan thu tawp an siam lo a ni.

CORONAVIRUS HIAN NIHPHUNG DANGLAM TAK A NEI

Coronavirus kai mihringte hi mak leh danglam takin an taksaah hna a thawk a ni tih George Washington University a mithiam Dr. Steven Hatfil chuan a sawi. Mak leh danglam takin he hrik hi a che tla a ni ber a, zawi muang tak leh chechang mang loin a awm tih X-ray ațanga a lan lai hian mihring chuap leh thawk a dawt velah erawh chuan chimawm leh nghal leh thothang țha takin a awm leh lawi si a, a kaitu mihring tan tawrh zawh rual lohin a phusa leh lawi si niin a sawi. Dr. Hatfil hian Coronavirus hi chik leh uluk takin Winsconsin ah a zir chiang a ni.

Tun hnai maia report in a tarlan danin Coronavirus hi ni 24 chhungin a keu thei a, chu chu a hma lama lo rin dan aiin ni 10 in a rei zawk a ni.

NATNA HRIK RALTHUAM A NI THEI EM

Natna hrik ralthuam (bioweapon) hi ngaihdan tlang lawn takah chuan chak leh rang mangkhenga a veitu apiangten midang an kai darh zung zung tur a ni. He pulhri Coronavirus hrik hi chutiang tura mihringten hma taka an kai darh tur renga duan leh enkawl loha ni reilote chhunga thihpui ngei tura siam luih a ang ber nia ngaih a ni.

CHINA A KÎMKÎ

China ambassador Cin Tiankai-an hemi chungchang zawhna a chhan danah Coronavirus China in thunun a tum a, ram dang țanpui leh puihna pawh pawn lawi takin pawm mahse, a ril zawk ah chuan venthawn leh puan hnuai ruk an nei tlat a, US ațanga Centre for Disease and Prevention Control ațanga țanpui tumna chu hnawlin President Donald Trump inhuamna zawng zawng pawh  hnawl fithla țhakin thil ințhup engemaw an hailang hlauh ang tih hlauhthawnnain Communist Party of China chu a khat em ni, a tih theih hial reng a ni.

Communist Party of China (CPC) hian a tirah puan hnuaia thup leh zep bo tlat a, an ram chhung bak pel lo turin a duh a. He hripui/pulhri hlauhawmzia leh rapthlak theihzia mipuite hnena hriattirtu leh ralkhel dar vawtu Dr. Li Wenliang leh freelance journalist pahnihte chu an khuangcher bo hmak a, Dr. Li phei chu khawvel hriatah thiin puan a ni tawh a, midang pahnih khawvel hriata puangtute erawh chu an chin hriat lohin an awmzui ta zel a nih hi.

Hetiang teh nuaih anih avang hian Coronavirus pulhri leng hi Communist Party of China in thunun a tum dan leh January thla bul lam daih tawh khan President Xi Xingpin pawhin a hre tawh chungin ngawih a chuh tlat a, Khawvelin hre lo se a duhna chu a thlawn mai a nih tak si avang hian he hripui hi China Sorkar in ralthuam a siam chawp, tihpalh thil thu tak meuha puakkeh leh țai darh a ni mai em tih leh he thilah hian phiarrukna lian tak (conspiracy) inphum ngei ni a hriat leh ngaih a ni a. Communist Party of China - dragon Sorkar hian he natna vanga thi zat leh vei zat chungchanga hriattirna zawng zawng pawh a khuahkhirh vek (censored) avang hian an number sawi zawng zawng hi rintlak a ni tak zet em tih leh engzat chin chiah nge an puan zar ang tih hi a țhen pawh kan hre thei lo a nih hi.

INDIA RAM A NUI EM

China rama khawvel ram hausaten hlawkna tel tuma Company lian an bun hian Pathian awm ring duh lo China Communist Sorkar chu a ti pawngpawrhin puak dur dur thei lo lama mihring suat theihna ralthuam chingal thlawrna hmanga tunlai thiamna hmanga a thlawr chuan tawh sual tawkin pulh hriin a nuai mek lai hian "hamara desh" hi heng Company lian ho hian China ram ațanga pem chhuaha inbun a tur hi an zawng a, an dap a, India, Vietnam, Bangladesh, Mexico an en a, President Donald Trump February thla tawp lama India rama zin tur hian thuthlung eng nge a ziahpui ang, India Prime Minister Narendra Modi nen țhian țhaa inchhal ve ve an ni a, chumi rah chu eng nge lo thleng dawn, midang huphurhna hian sihal putar rualho hi an khat reng dawn em tih hi mi ngaihven a ni lo thei lo. 

Source = ( ccn.com )

VAWIIN DINHMUN

Coronavirus vanga China rama thi zat hi 1,868 an tling tawh a, vawiin chawhma dar 10:30 IST vel thleng khan thih belh 98 an awm leh tawh a, natna kai zat 72,436 an tling tawh bawk. Vawiina thi zat hi 93 te chu Hubei province mi an ni a, 3 dang chu Henan ațangin an ni a, Hebei leh Hunan ațangin 1 ve ve an awm bawk

Thawhțanni khan damlo 1,097 te chu na tak(seriously ill) an awm a, 11,741 te pawh dinhmun țha lo tak (severe condition) an ni tih Chinese National Health Commission chuan a sawi. Hubei province ațanga natna kai 41,957 zinga 9,117 te chu Damdawi inah dah an ni a, ngaihtuahawm tak 1,853 te phei chu dinhmun țha lo tak an nih thu Chinese Sorkar news agency Xinhua chuan a sawi

DOCTOR HOTU THI

He natna thihpui zingah Wuhan khawpui chhunga Wuchang Hospital Director pawh theih tawpa enkawl a ni chungin tukin Thawhlehni zing khan a thi tih China Sorkar TV CCTV chuan a puang.

DECEMBER 26, 2019 : Natna  danglam tak SARS  ang tak Hubei Province capital Wuhan ah hmuh chhuah a ni.

JANUARY 3, 2020 : Chinese Centre for Disease Control and Prevention chuan he natna kai te an zir chiang țan.

JANUARY 7,  2020 : China President Xi Jinping chuan ram hruaitu lawk rual zingah he natna ațanga inralrinna thu a sawi, he a thu sawi hi February 15 ah mipuite hnenah hriattur a ni.

DAR 6: 15 PM IST : India rama damdawi siamtu pharma company te chuan India ram in damdawi a nghei mai lohna turin damdawi siamna bawlhlote China ram ațanga thlawhnaa phur mai turin Sorkar hnenah ngenna an thlen. 

Source = (NEWS18)

Source :CCN NEW Sccn.com/bombshel

February 17, 2020 @ 3:49 PM UTC

NEWS18 February 18, 2020 @ 11:07 AM IST

18. 02. 20

Huna Kawlvawm

Blog min share sak la, minlo subcribes ve dawnnia enjoy.